E dielë, 29 mars, 2015

Lajme

Mbipesha dhe kanceri. Mbarëvajtja në shkollë. Migrena lidhet me çrregullimet mendore.

 Mbipesha trupore dhe kanceri

Shkencëtarët thonë se mbipesha trupore tek gratë shton rrezikun e prekjes nga kanceri në vezore. Gjatë një studimi, mjekët vëzhguan për 7 vjet  gjendjen e 90 mijë grave dhe zbuluan se gratë mbi peshë ishin 80 përqind më në rrezik për t’u prekur nga kanceri në vezore. Megjithatë, ata vunë re se vetëm disa gra dukej se ndodheshin në rrezik më të madh.

Çdo vit, në Shtetet e Bashkuara, 20 mijë gra diagnostikohen me kancer në vezore. Këto të dhëna janë shqetësuese, po të kihet parasysh se nga gratë e prekura me këtë lloj kanceri, vetëm 37 përqind e tyre mund të  jetojnë të paktën për 5 vjet. Studimi i ri lë të kuptohet se gratë mund t’i pakësojnë gjasat për t’u prekur nga kanceri në vezore duke mbajtur një peshë trupore të shëndetëshme. Mjekët vëzhguan për 7 vjet 84 mijë gra të moshave të ndryshme. Ata vunë re se gratë mbi peshë kishin 80 përqind më shumë gjasa për të zhvilluar kancer në vezore. Por lidhja midis mbipeshës dhe këtij kanceri u pa vetëm tek ato gra që nuk kishin ndonjë histori familjare të kësaj sëmundjeje ose që nuk i ishin nënshtruar  trajtimit me hormone pas menopauzës.

Shkencëtarët spekullojnë se mbi pesha e madhe trupore ndikon vetëm tek ato gra, të cilat pa këtë mbipeshë, do të kishin qënë  më pak në rrezik  për t’u prekur nga kanceri në vezore. Sipas ekspertëve, pesha e tepërt nxit shtimin e prodhimit të estrogjenit, i cili nga ana e tij shton gjasat për sëmundje që lidhen me hormonet, përfshi kanceret në gji dhe vezore. Ekspertët rekomandojnë që gratë duhet të mbajnë një dietë të lehtë dhe të kryejnë ushtrime fizike disa herë në javë për të mos lejuar shtimin e tepërt të peshës trupore, veçanërisht pas  moshës mesatare.

Mbarëvajtja në shkollë ndikon mirëqënien në të ardhmen


Sipas një studimi 40 vjeçar,  të rinjtë që shkelin disiplinën në shkollë kanë më shumë gjasa që të provojnë një sërë problemesh kur të rriten. Ata nxënës për të cilët mësuesit thonin se ishin sjellë  keq në shkollë kishin më shumë gjasa që kur rriteshin prekeshin  nga depresioni e ankthi, divorci, si dhe ndesheshin me vështirësi financiare.  

Shumë fëmijë thyejnë dispilinën në shkollë njëherë a një tjetër, por sjellja e keqe e vazhdueshme mund të jetë shenjë e problemeve për te ardhmen e tyre. Ekspertë britanikë vëzhguan për 40 vjet më shumë se 3 mijë e 500 të rinj shkolle duke i pyetur ata çdo muaj rreth shëndetit, gjendjes emocionale dhe ngjarjeve të jetës. Në fillim të studimit mësuesit i kishin pajisur ekspertët me  notat a vlerësimet e sjelljes së këtyre fëmijëve,  përfshi numrin e mungesave, sa herë nuk kishin ndjekur udhëzimet e mësuesve dhe sa herë u ishte tërhequr vrejtja për mosvemendje në mësim. Rezultatet treguan se nxënësit që kishin shkelur disiplinën  vazhdimisht kishin 30 përqind më shumë të ngjarë të prekeshin nga depresioni kur të rriteshin. Ata gjithashtu kishin 70 përqind më shumë gjasa që të divorcoheshin dhe 100 përqind më shumë të ngjarë që të ndesheshin me probleme financiare.

Ekspertët thonë se një faktor ndikues për këto mund të jetë se të rinjtë me probleme kishin 4 herë më shumë gjasa për të braktisur shkollën duke i bërë ata  të ndesheshin me vështirësi për të gjetur punë të kualifikuar me paga më të mira. Në përfundim të studimit, thuhet se ndihma që këta të rinj të kontrollojnë emocionet e të sillen mirë në shkollë, do të përmirësonte dukshëm shanset e tyre për sukses kur të rriteshin. Rezultatet e studimit u botuan në revistën mjekësore britanike.

Migrena lidhet me çrregullimet mendore

Një studim i ri tregon se dhimbjet e kokës nga migrena dhe sëmundjet mendore ndonjëherë shkojnë krah për krah. Mjekët morën në shqyrtim mbi 600 persona me migrenë dhe panë se ata ndodheshin në një shkallë më të lartë rreziku për t’u prekur nga një sërë çregullimesh mendore, përfshi depresion, sulme paniku dhe fobia apo frika.Kokëdhimbjet nga migrena janë të zanonëshme. Një në çdo 10 persona vuan prej tyre. Por studimi i ri lë të kuptohet se migrena gjithashtu mund të ketë lidhje me çrregullimet e shëndetit mendor.

Një studim ku u përfshinë mbi 4 mijë persona arriti në përfundimin se ata që vuanin nga migrena kishin dy herë më shumë gjasa të prekeshin nga një çrregullim mendor. Për shembull, ata që vuajnë nga migrena kishin 2 herë më shumë të ngjarë të prekeshin nga depresioni, 3 herë më shumë gjasa të prekeshin nga çrregullimi bipolar dhe 4 herë më shumë gjasa të provonin agorofobinë ose frikën për t’u larguar nga shtëpia.

Në shumë raste, pacientët kishin dhimbje koke para se të shfaqnin probleme mendore, çka lë të kuptohet se migrena mund të jetë shenjë e afrimit të çrregullimit mendor.

Shkencëtarët mendojnë se jonormalitete në kimikatet e trurit mund të bëhen shkak për dhimbjet e kokës dhe çrregullim psikiatrik. Ata gjithashtu thonë se depresioni e ankthi dhe jo kokëdhimbja, mund të jenë shkaktarët kryesorë të vështirësive të përditëshme të atyre që vuajnë nga migrena. Mjekët thonë se trajtimi njëkohësisht i migrenës dhe problemeve të shëndetit mendor do të përmirësonte jetën e pacientëve që vuajnë nga kombinimi i këtyre problemeve.


Ky forum është mbyllur
Komente
     
Në këtë forum nuk ka ende komente. Bëhuni i pari që komentoni

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
29.03.2015
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

LAJME

Luftëtarët e Shtetit Islamik

Analistët thonë se strategjia e ISIS është të vendosë në plan të parë luftëtarët e huaj
Më tepër

Kalaja Rozafa, pjesë e trashëgimisë kulturore

Kalaja Rozafa, një nga më të njohurat në Shqipëri, dëshmon për historinë e hershme të një prej qyteteve më të rëndësishme të vendit, Shkodrës
Më tepër

Këshilli i Mandateve dëgjon të martën shpjegimet e Mark Frrokut

Prokuroria kërkon leje ta arrestojë atë Frrokun, si i dyshuar për krime jashtë vendit
Më tepër

Zgjedhjet vendore në Francë

Fronti Kombëtar i së djathtës ekstreme i Marine Le Pen doli në vend të dytë me 25 për qind të votave në raundin e parë javën e kaluar
Më tepër

Shuhen dritat për Orën e Tokës

Struktura ndër më të njohurat dhe historike në qytete në gjithë botën, u zhytën në errësirë për Orën e Tokës
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Members of the public react as the ceremonial gun carriage bearing Singapore's late former prime minister Lee Kuan Yew passes by during his funeral procession in Singapore. Tens of thousands of mourners braved torrential rain while howitzers fired a 21-gun salute and jet fighters screamed across the sky as Singapore staged a grand farewell for its founding leader.
  • An official of the Independent National Electoral Commission retrieves documents from presidential election ballot boxes in Katsina state. Nigeria's closely fought general elections were forced into a second day after failures in controversial new technology snarled the polling, including for President Goodluck Jonathan.
  • Pope Francis celebrates Palm Sunday Mass in St. Peter's Square at the Vatican.
  • This combination photo shows the Eiffel Tower with its usual lighting (L) and after the lighting was switched off (R) in celebration of Earth Hour in Paris, France, March 28, 2015.
  • (L to R) Jesse Tyler Ferguson, Rico Rodriguez, Sarah Hyland and Ariel Winter are slimed while accepting the award for Favorite Family TV Show for "Modern Family" during the 2015 Kids' Choice Awards in Los Angeles, California, March 28, 2015.
  • Palestinian protesters run from tear gas canisters launched by Israeli troops during clashes following a protest marking Land Day in the West Bank village of Nabi Saleh near Ramallah, March 28, 2015. Palestinians mark Land Day on March 30, the annual commemoration of protests in 1976 against Israel's appropriation of Arab-owned land in the Galilee.
  • Hooded penitents from "La Borriquita" brotherhood take part during a Holy Week procession in Cordoba, Spain.
  • An empty street in Sierra Leone is seen, as the country enters the third and final day of a three-day countrywide lockdown on movement of people to combat the Ebola virus in the city of Freetown, Sierra Leone.
  • People row their boats in the Imperial moat under a canopy of the cherry blossoms in Tokyo, Japan.
  • Revelers throw colored corn starch into the air as they celebrate the 2015 Holi (Festival of Colors) at the Krishna Temple in Spanish Fork, Utah, USA, March 28, 2015.
  • A man pulls his camel as he sits in an auto rickshaw during a dust storm in the western Indian city of Ahmedabad, India.
  • A woman jumps into an icy water tank during the Tough Mudder 10-12-mile obstacle challenge in San Bernardino, California, USA, March 28, 2015.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.