E mërkurë, 23 korrik, 2014

Lajme

Shpallen rezultatet paraprake të zgjedhjeve parlamentare në Kosovë - 2004-10-25

Kryeadministratori ndërkombëtar i Kosovës, Sorren-Jessen Petersen u kërkoi sonte të gjitha palëve në Kosovë që të respektojnë rezultatet e zgjedhjeve të përgjithshme parlamentare të së shtunës, duke thënë se Kosova dhe populli i saj janë fituesit. Zoti Petersen theksoi se zgjedhjet përbëjnë një pikë kthese në Kosovë.

Komisioni qendror i zgjedhjeve në Kosovë dha sot rezultatet paraprake të zgjedhjeve të përgjithshme parlamentare të së shtunës, të cilat treguan se nuk kishte ndonjë lëvizje të rëndësishme të elektoratit të partive kryesore, Lidhjes Demokratike të presidentit Ibrahim Rugova, Partisë Demokratike të kryesuar nga Hashim Thaçi dhe Aleancës për Ardhmërinë e Kosovës të kryesuar nga Ramush Haradinaj. Ndryshim i rëndësishëm ishte renditja e listës qytetare Ora e kryesuar nga Veton Surroi në vendin e katërt. Kjo listë u shpall vetëm pak më shumë se dy muaj para zgjedhjeve të përgjithshme parlamentare.

Rezultatet:

Lidhja Demokratike 292 mijë e 778 vota, ose 45.3%

Partia Demokratike 185 mijë e 162 vota ose 28.65%

Aleanca për Ardhmërinë e Kosovës 53 mijë e 514 vota ose 8.28%

Ora 40 mijë e 466 vota ose 6.26%

Partia Shqiptare Demokristiane 12 mijë e 695 vota ose 1.81%

KDTP (parti që përfaqëson pakicën turke) 8933 vota ose 1.38%

Partia e Drejtësisë 6491 vota ose 1%

Të gjitha partitë, grupimet politike dhe kandidatët e pavarur që morën pjesë në zgjedhje, përveç këtyre partive, përbëjnë 7.32% të votave.Megjithëse këto rezultate konsiderohen paraprake, pjesa e mbetur e votave që duhet të numërohen përfundimisht, janë ato me kusht dhe votimet në Serbi e Mal të Zi, të gjitha bashkë përbëjnë vetëm 4 përqind të numrit të përgjithshëm të votave. Kanë votuar 51.11% e zgjedhësve.

Lidhja Demokratike e Kosovës e cila ka fituar shumicën e vendeve në parlamentin prej 120 vendesh të Kosovës, pret rezultatet përfundimtare të certifikuara për të folur publikisht për koalicione të mundshme me partitë e tjera. Por zëdhënësi i saj Lulzim Zeneli i tha Zërit të Amerikës, se në të mirë të Kosovës do të ishte që të ketë pozitë dhe opozitë, gjë që të lë të kuptosh se LDK-ja preferon në fakt një renditje të tillë në skenën politike në vend të koalicionit të gjerë i cili qeverisi Kosovën vitet e fundit. Megjithatë zoti Zeneli tha se është herët të flitet për koalicione dhe me cilën parti; ai shton se nuk ka boshllëk institucional dhe se bisedimet për institucionet e reja nuk janë urgjente. Zoti Zeneli pohon se nga lista e partive fituese, dihet se demokristianët janë tradicionalisht të afërt me LDK-në, ndërkohë që megjithatë pohon se pas dhënies së rezultateve përfundimtare të zgjedhjeve, LDK do të shqyrtojë pozicionin e saj.

LDK-së i duhen 61 vota në parlamentin prej 120 vende për të zgjedhur presidentin, ndërkohë që duket se edhe kësaj here do të negociohet marrja e këtij numri votash në këmbim të dhënies së postit të kryeministrit njërës nga partitë që do të hyjë në koalicion me LDK-në. Presidenti sipas kornizës kushtetuese mandaton më pas qeverinë.

Po kështu, LDK e bën të qartë pozicionin e saj se delegacioni shqiptar në bisedimet për statusin përfundimtar të Kosovës duhet të zgjidhet në bazë të institucioneve të Kosovës.

PDK do të presë rezultatin përfundimtar dhe pastaj kryesia do të vendosë. Zëdhënësja e kësaj partie Vlora Çitaku i tha Zërit të Amerikës, se kjo parti, tani për tani nuk ka vendosur nëse do të hyjë në koalicione, por konfirmoi se PDK është e gatshme të jetë edhe në pozitë, edhe në opozitë.

Aleanca për Ardhmërinë e Kosovës, ka lënë të hapur mundësinë e koalicioneve me parti të tjera, pa thënë qartë se më cilën.

Ndërkaq, kryeadministratori ndërkombëtar i Kosovës Sorren-Jessen Petersen, tha se të gjitha palët në Kosovë duhet të dëgjojnë zërat e atyre që votuan dhe të respektojnë vendimin e tyre. Zoti Petersen nënvizoi se askush nga ata që dëshiron një të ardhme më të mirë për Kosovën, nuk duhet ta konsiderojë veten humbës.

Kryeadministratori theksoi gjithashtu se zgjedhjet përbëjnë një pikë kthese në Kosovë dhe përshëndeti zhvillimin paqësor të zgjedhjeve dhe pjesëmarrjen e mirë duke inkurajuar të gjitha palët që të punojnë së bashku për të konsoliduar përparimin demokratik të Kosovës. “Politikanët duhet të shënojnë mesazhin e qartë nga votuesit që do të bëjnë përgjegjës udhëheqësit e tyre të zgjedhur për rezultatet e dhëna”, theksoi kryeadministratori, duke bërë thirrje për formimin e shpejtë të qeverisë së re, sapo të çertifikohen rezultatet përfundimtare.

Zoti Petersen tha gjithashtu se përparësi kryesore e qeverisë së re duhet të jetë plotësimi i standarteve dhe përparimi drejt një shoqërie shumëetnike.

Ai ritheksoi se UNMIK-u pret që të punojë në partneritet me qeverinë e re, së cilës do t’i jepen pushtete të reja të rëndësishme, për përmirësimin e gjendjes ekonomike dhe krijimin e më shumë vendeve të punës. “Duhet të punojmë me përfaqësuesit e ligjshëm të të gjitha komuniteteve, dhe duhet të shkojmë deri tek ata që vendosën të mos votojnë, apo që u ndjenë të frikësuar dhe nuk votuan”, nënvizoi ai.

Zoti Petersen pritet të takohet këto ditë me udhëheqësit e rinj që dolën nga këto zgjedhje për t’i uruar për rolin e tyre në zgjedhje dhe për të dëgjuar pikëpamjet e tyre për rrugën që ka Kosova përpara.

Ky forum është mbyllur
Komente
     
Në këtë forum nuk ka ende komente. Bëhuni i pari që komentoni

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
22.07.2014
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

SHKARKONI PROGRAMIN FALAS TË ZËRIT TË AMERIKËS (VOA) PËR CELULARIN OSE TABLETIN TUAJ

 
Download mobile app for your Android device.
Download mobile app for your iPhone or iPad.

LAJME

23 të vrarë nga dhuna në Irak

Një sulm vetëvrasës me makinë bombë shkaktoi vrasjen e 23 vetëve dhe plagosjen e më shumë se 40 të tjerëve në një postbllok të policisë në një lagje shiite në Bagdad.
Më tepër

SHBA: Seperatistët gabimisht rrëzuan avionin malajzian

Zyrtarët amerikanë thanë dje se seperatistët pro-rusë ka të ngjarë ta kenë rrëzuar gabimisht avionin, por Moska kishte "krijuar kushtet" që çuan në rrëzimin e avionit.
Më tepër

Vazhdojnë përpjekjet për arritjen e një armëpushimi në Gazë

Sekretari i Përgjithshëm i OKB-së, Ban Ki-moon u takua me kryeministrin e Izraelit Benjamin Netanyahu dje në një përpjekje për të gjetur një rrugë për t'i dhënë fund dhunës në Gazë.
Më tepër

Ndalen fluturimet drejt Tel Avivit

Vendimi i Agjencisë amerikane të aviacionit u mor pasi një raketë e lëshuar nga militantët e Hamasit në Gaza, ra pranë aeroportit Gen Gurion të Tel Avivit
Më tepër

Shqipëri, Reforma administrativo-territoriale

Qeveria shqiptare miratoi sot variantin e reformës administrativo-territoriale e cila parashikon që në të gjithë vendin të ketë vetëm 61 bashki
Më tepër

Amerika në 60 sekonda

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Amerika në 60 sekondai
|| 0:00:00
...
 
🔇
X
22.07.2014
Amerika në 60 sekonda

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Ukraine's President Petro Poroshenko (2nd R) and Dutch ambassador to Ukraine Kees Klompenhouwer commemorate victims of Malaysia Airlines Flight MH17 outside the Dutch embassy in Kyiv, July 21, 2014.
  • A Bulgarian Roma woman sits in front of her house after it was demolished in a Roma suburb in the city of Stara Zagora. Municipal authorities started demolishing some 55 illegally built shacks and houses in the suburb.
  • Afghan girls attend their graduation ceremony at the Pir Massoudia Islamic madrassa in Kandahar province south of Kabul.
  • Employees work at a production line at the Husi Food factory in Shanghai, China, July 20, 2014. The Shanghai Food and Drug Administration closed Shanghai Husi Food Co Ltd, a local unit of OSI, and seized meat products suspected of being beyond their expiration date, according to a statement from the Shanghai Municipal Food and Drug Administration.
  • Sri Lankan Tamil Hindu devotees smash coconuts on the ground during the Vel Hinduism festival in Colombo.
  • Indian youth Barkat Ali uses a makeshift raft to paddle through the Sabarmati River in Ahmedabad.
  • Jeremiah Gerbracht rides his Harley Davidson motorcycle with his dog on Wilshire Boulevard in Los Angeles, California, USA, July 20, 2014. Gerbracht, a retired dog trainer, won a court ruling in 1996, allowing him to ride his motorcycle with a dog on board.
  • An animal activist (C) kneels down as she offers to buy a dog from a vendor (2nd R) to stop it from being eaten ahead of the annual dog meat festival in Yulin, Guangxi Zhuang Autonomous Region, China, June 20, 2014.
  • Chicago Cubs' Anthony Rizzo makes a diving catch into the photo well on a foul ball hit by Arizona Diamondbacks' Aaron Hill during the sixth inning of a baseball game in Phoenix, Arizona, USA, July 20, 2014.
  • Special forces soldiers march during a military parade celebrating Colombia's 204 anniversary of independence from Spain, in Bogota, July 20, 2014.
  • Hindu devotees bathe in the Bagmati River on their way to the Pashupatinath Temple to offer prayers to Lord Shiva, Hindu god of destruction during Shravan festivities in Sundarijal, on the outskirts of Kathmandu, Sri Lanka.

Interaktive