E premte, 31 tetor, 2014

Lajme

Teoria e evolucionit, sfidë Darvinit në shkollat e mesme amerikane - 2005-01-29

Teoria e evolucionit e Çarls Darvinit është pjesë e detyrueshme e programeve mësimore në shkollat publike amerikane. Por qysh prej shumë kohësh, kjo teori shkencore e origjinës së llojeve ka kundërshtarët e saj - ata që besojnë se jetën e në Tokë e ka krijuar Zoti. Zlatica Hoke e Zërit të Amerikës njofton se një tjetër teori po fiton sot përkrahje si sfidë e mundshme ndaj teorisë së evolucionit në shkollat publike amerikane.

Kushtetuta amerikane garanton ndarjen e kishës nga shteti. Kjo nënkupton se në shkollat publike nuk duhet të mësohen besimet fetare.

"Sipas Amendamentit të Parë të Kushtetutës ne mund të flasim në shkolla për fenë, por nuk mund të bëjmë indoktrinim fetar. Pra ne mund të flasim mbi pikpamje të ndryshme fetare për krijimin e botës, për origjinën e njeriut, por në orën e shkencës ne duhet t’u mësojmë njerëzve shkencën ashtu siç përkufizohet ajo nga komuniteti shkencor".

Charles Haynes është studiues i së drejtës në Qendrën Amendamenti i Parë, në Arlington të shtetit Virginia. Ai thotë se zakonisht, në programin e një shkolle të mesme amerikane përfshihet teoria e Çarls Darvinit për evolucionin, e cila bazohet në konceptin se qeniet e gjalla u krijuan si rrjedhojë e reaksioneve biologjike zinxhir të shkaktuara nga seleksionimi natyror.

Shumë amerikanë fetarë që besojnë se jeta është krijuar nga Zoti nuk duan që fëmijët e tyre të mësojnë teorinë e evolucionit. Shpesh, mësuesit u nënshtrohen presionit të tyre, thotë David Jackson, profesor i edukimit shkencor në Universitetin e Georgias, i cili ka qenë vetë mësues i shkollës së mesme.

"Në disa rajone të Shteteve të Bashkuara, sidomos në jug, është diçka mjaft e shpeshtë që teorisë së evolucionit ose të mos i kushtohet vemendje ose që kjo lëndë të mos jepet fare, apo madje që në orën e shkencës të paraqiten edhe idetë fetare krahas atyre shkencore, megjithëse kjo mund të mos jetë fare pjesë e programit zyrtar."

Për shembull, në vitin 2002, disa shkolla të distriktit Cobb të Georgias, shtuan një paragraf në tekstet e biologjisë së klasës së nëntë, ku thuhej pjesërisht se "Evolucioni është një teori dhe jo një fakt që ka të bëjë me origjinën e qenieve të gjalla." Këtë muaj, një gjykatës federal dha urdhër që kjo frazë të hiqej sepse binte ndesh me kushtetutën, por me siguri që vendimi i gjykatës nuk do të lihet pa u apeluar, thotë Profesor Jackson.

Të njejtat debate janë ndezur në 40 shtete të tjera të vendit gjatë dekadës së kaluar. Në vitin 1991, Philip Johnson, profesor në pension i së drejtës, botoi librin “Darvini në gjyq”, ku ai thekson se format komplekse të jetës nuk mund të jenë rezultat vetëm i procesit natyror.

"Njësia bazë e jetës, qeliza, nuk është më ashtu siç besohej të ishte në kohën e Darvinit - një material xhelatinoz që mund të ishte formuar me lehtësi në fund të një oqeani," thotë Johnson.

Libri i Profesor Johnsonit ka ringjallur argumentin e vjetër se të paktën një farë forme e jetës duhet të jetë rezultat i një dore inteligjente se sa i seleksionimit natyror, siç thotë teoria e evolucionit. Ata e besojnë këtë tezë sepse ajo përcakton se prapa kësaj dore inteligjente qendron një krijues inteligjent që është Zoti. Dhe, nëse shkenca mund ta provojë këtë, atëhere nuk ka arësye që kjo të mos mësohet në shkolla.

Instituri Discovery në Seattle, një organizatë studimore private, ndihmon shkencëtarët që përpiqen të provojnë nëse një farë forme e jetës mund të jetë produkt i një dore inteligjente se sa i evolucionit. Ja ç’thotë John West, drejtor për shkencën dhe kulturën në këtë institut.

"Pjesë e kërkimeve në këtë fushë janë studimet rreth probabilitetit dhe nevojës së seleksionit si dhe rreth mutacionit të rastësishëm. Pra, cili është probabiliteti që kjo të çojë në sistemet që ne shikojmë sot."

Një drejtori shkolle në Dover të Penilvanisë, vitin e kaluar e përdori një argument të tillë për të futur në programin e saj për shkencën teorinë e dorës inteligjente të krijimit. Lidhur me këtë vendim, disa prindër e kanë hedhur shkollën në gjyq. Ata besojnë se teoria e dorës inteligjente nuk është gjë tjetër veçse teoria e krijimit të botës nga Zoti.

Vëzhguesit jashtë Amerikës habiten se si kontradikta të tilla rreth teorisë së evolucionit të ketë pikërisht në Shtetet e Bashkuara, një nga vendet më të zhvilluara të botës për nga shkenca dhe teknologjia. Por ndryshe nga shumë vende të tjera, prindërit në Shtetet e Bashkuara kanë të drejtë të thonë fjalën e tyre se çfarë duhet të mësojnë nxënësit në shkollë dhe çfarë shkruhet në tekstet shkollore. Kjo, thonë disa, është pjesë e demokracisë amerikane. Mirëpo, thonë disa të tjerë, demokraci do të thotë gjithashtu respekt për kushtetutën dhe ndarja e shtetit nga feja është pjesë e rëndësishme e saj.

Ky forum është mbyllur
Komente
     
Në këtë forum nuk ka ende komente. Bëhuni i pari që komentoni

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
31.10.2014
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet. Ju mund të gjeni gjithashtu të rejat e fundit nga mjekësia dhe shkenca, si edhe nga bota e artit.

LAJME

Raport i OKB për rrezikun nga ISIS

Sipas Këshillit të Sigurimit të OKB-së, gati 15 mijë luftëtarë nga e gjithë bota kanë lënë vendin e tyre për t’u bashkuar me grupet ekstremiste që operojnë në Irak dhe Siri
Më tepër

Zgjedhjet e separatistëve në Ukrainë

Udhëheqësit e Gjermanisë, Francës dhe Ukrainës i bënë thirrje presidentit Putin të injorojë rezultatet e zgjedhjeve të separatistëve që do të zhvillohen të djelën në Ukrainën lindore
Më tepër

Në Tiranë selia e Fondit për Ballkanin

Vendet e rajonit ngrejnë një strukturë të përbashkët për nxitjen e procesit të integrimit europian, mbështetur në modelin e Grupit të Vishegradit.
Më tepër

Intervistë me Ministren e Mbrojtjes Mimi Kodheli

Ministrja Kodheli është takuar me zyrtarë të lartë amerikanë: me Sekretarin amerikan të Mbrojtjes Chuck Hagel, me Ndihmës Sekretaren e Departamentit të Shtetit për Rusinë, Ukrainën dhe Euroazinë, zonjën Victoria Nuland
Më tepër

Ripahet xhamia Al-Aqsa në Jeruzalem

Objekti i shenjtë u mbyll pasi policia vrau një palestinez i cili dyshohet se qëlloi dhe plagosi rëndë të mërkurën, një rabi të vijës së ashpër
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Children wearing Halloween costumes recite the Pledge of Allegiance after becoming US citizens during a naturalization ceremony at the United States Citizenship and Immigration Services in Baltimore, Maryland.
  • A crowd gathers in front of army headquarters in Ouagadougou, demanding that the army take over following the resignation of the president. Burkina Faso's army chief Navere Honore Traore said he was taking power on October 31 as head of state.
  • Military rescue workers recover the body of a woman, who was buried alive with scores of others in the October 29 mudslide, at a tea plantation in the central Sri Lankan area of Koslanda.
  • A Palestinian protestor throws a burning tire during clashes with Israeli security forces at the Qalandia checkpoint between Ramallah and Jerusalem City following a rally by supporters of the Hamas movement against the restrictions on the Al-Aqsa mosque compound.
  • A Palestinian protester tries to throw back a tear gas canister fired by Israeli security forces during clashes at the Aida refugee camp near the West Bank city of Bethlehem.

  • Vietnamese-born model and global fashion show organizer Jessica Minh Anh presents a creation during a fashion she organized, on a catwalk set up on the first floor of the Eiffel Tower in Paris.
  • Howard, a 35-year-old Australian Chinese musician and lookalike of North Korean leader Kim Jong Un, gestures in front of a wall with messages of support to pro-democracy protesters in part of Hong Kong's financial central district they are occupying.
  • Children dressed for Halloween prepare to trick-or-treat in a housing compound in South Jakarta district in Jakarta, Indonesia.
  • A hippopotamus catches a pumpkin during Halloween celebrations in the Tiergarten Schoenbrunn zoo in Vienna, Austria. Once a year the animals in the zoo are fed pumpkins to celebrate Halloween.
  • A tourist looks at a Thai woman dressed in a ghost costume for Halloween buying coconut in Bangkok, Thailand.
  • Conchita Wurst (C), the bearded transgender winner of the Eurovision Song Contest, performs in the number "True Love?" on stage with topless dancers during a rehearsal for the show "Desirs" at the Crazy Horse cabaret in Paris, Oct. 30, 2014.
  • Residents relax on Lido beach along the Indian Ocean's coastal city of Mogadishu, Somalia. Lido Beach has become a popular spot over the weekend, with hundreds of people gathering to enjoy the sea and sand.
  • A man surfs on the Eisbach river at the English Garden during a sunny autumn day in downtown Munich, Germany.
  • A man walks along the Indian Ocean as the tide goes out at Coco Beach in Dar es Salaam, Tanzania.
  • An Indian Hindu devotee crawls underneath a sacred cow on the eve of Gopastami in Hyderabad. The Gopastami festival, which commemorates Hindu Lord Krishna becoming a cow-herder, brings devotees preparing food and offering religious rituals to cows.

Interaktive

Amerika në 60 sekonda

No records found for this widget:806

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

SHKARKONI PROGRAMIN FALAS TË ZËRIT TË AMERIKËS (VOA) PËR CELULARIN OSE TABLETIN TUAJ

 
Download mobile app for your Android device.
Download mobile app for your iPhone or iPad.