E martë, 09 shkurt, 2016

    Lajme / Bota

    Përgjigja e Algjerisë për krizën e pengjeve

    x
    Duke patur parasysh luftën e përgjakshme civile në Algjeri në vitet 90 kundër ekstremistëve myslimanë, nuk është për t'u habitur mënyra e ashpër me të cilën Agjeria e zgjidhi krizën e pengjeve në Sahara, ku u vranë dhjetëra njerëz. Për të ardhmen, analistët parashikojnë një përmirësim të marrëdhënieve të Algjerisë me ish-fuqinë koloniale, Francën, përfshirjen e saj më aktive në konfliktin në Mali dhe shqetësimet se islamistët vendas mund të hakmerren. Korrespondentja e Zërit të Amerikës, Lisa Bryant njofton nga Parisi.
     
    Brenda më pak se një jave, Algjeria u bë nga spektatore e luftimeve kundër ekstremistëve në Malin fqinj, në faktorin kryesor që i dha fund sulmit terrorist në një uzinë gazi në shkretëtirë.
     
    Qeveria i del në mbrojtje reagimit të ashpër ushtarak ndaj krizës së pengjeve, që konsiderohet si nga më të përgjakshmet e kohëve të fundit.
     
    Në një conference për shtyp për televizionin francez, kryeministri algjerian Abdelmalek Sellal tha se sulmi i ushtrisë kundër pengmarrësve në kompleksin e gazit Ain Amenas ishte i drejtë pasi ata synonin t'i vrisnin pengjet.  Ky reagim, thotë ai, dërgon një mesazh të fuqishëm se për terrorizmin nuk ka vend në Algjeri.  

    Por disa qeveri të huaja, shtetasit e të cilave u vranë në këtë ngjarje, kanë shtruar pyetjen nëse Algjeria mund ta kishte shmangur një numër kaq të madh viktimash. Analisti afrikano-verior Kader Abderrahim, profesor në Institutin për Studimet Politike në Paris, shkon më tej, duke e quajtur operacionin një dështim.

    "Ajo që mund të them me siguri tani është se imazhi i qeverisë algjeriane në botë është dëmtuar. Tani e dimë se ky regjim nuk ka ndryshuar dhe nuk do të ndryshojë asnjëherë. Brutaliteti është politika që ndiqet, kjo është e gjitha”.

    Por të tjerë besojnë se çdo kritikë ndërkombëtare do të fashitet me shpejtësi. Monsouria Mokhefi, që drejton programin për Lindjen e Mesme dhe Afrikën Veriore në Institutin francez për Marrëdhëniet Ndërkombëtare thotë se askush nuk duhet të çuditet nga reagimi i Algjerisë.

    "Çdokush që di dicka rreth regjimit algjerian nuk mund të priste asgjë tjetër veçse një përgjigje të ashpër, të fuqishme dhe brutale. Kjo ka qënë gjithmonë veçori e forcave algjeriane kur janë përballur me terrorizmin – dhe atyre u është dashur të përballen shpesh me të gjatë dy dekadave të fundit."

    Në vitet 90, Algjeria u zhyt në në luftë civile të përgjakshme që vuri përballë qeverinë e mbështetur nga ushtria kundër ekstremistëve islamikë. Dhjetra mijëra njerëz u vranë. Ndonëse presidenti Abdelaziz Bouteflika u përpoq për një të ashtuquajtur ripajtim civil pas zgjedhjes së tij në vitin 1999, plagët e konfliktit vazhdojnë. Mijëra njerëz ende figurojnë të zhdukur. Algjerianët e thjeshtë fajësojnë islamikët dhe forcat e sigurimit të qeverisë. Ja ç'thotë analisti Mokhefi:

    "Këto grupe të reja ekstremiste u sollën në mendje të gjithëve se megjithëse lufta civile përfundoi 10 vjet më parë, megjithëse është ndjekur politika e pajtimit civil nga Bouteflika, terrorizmi është ende gjallë dhe ende i aftë për të sulmuar… dhe e bëri këtë në zemër të Algjerisë."

    Incidenti i pengjeve, thotë analisti Mokhefi, mund të çojë gjithashtu në një përgjigje më aktive të Algjerisë ndaj terrorizmit jashtë kufijve të saj, duke filluar me Malin fqinj.
     
    William Lawrence, drejtor i projektit për Afrikën Veriore në Grupin Ndërkombëtar të Krizave mendon njëlloj. Kriza e pengjeve ka sjellë një të papritur tjetër, thotë ai – një afrim mes Algjerisë dhe ish kolonizatores së saj, Francës, e cila po ndihmon Malin të luftojë ekstremistët.

    "Nga 15 apo 20 vendet e përfshira në konfliktin në Mali, Franca ishte në një anë të spektrit dhe Algjeria në anën tjetër për sa i takon asaj se çfarë duhet bërë. Algjerianët donin një qasje më të butë, me më shumë negociata, ndërsa francezët një përgjigje më të shpejtë dhe më të fuqishme dhe tani Agjeria dhe Franca duket se janë afruar dhe kanë të njëjtën qasje."

    Në Agjeri, politikanët e opozitës i kanë kritikuar operacionet ushtarake. Por shume algjerianë të thjeshtë, që shpesh kritikojnë qeverinë e tyre, e kanë vlerësuar reagimin e ushtrisë. Kriza e pengjeve mund të ketë përfunduar, por fundi i betejës së Algjerisë kundër terrorizmit duket se është ende larg.
    Ky forum është mbyllur
    Përzgjedhja e komenteve
    Komente
         
    nga: GRAMOZI
    24.01.2013 09:42
    Vrasja masive e pengjeve dhe ekstremisteve islamike radikale te Al kaedes ne Algjeri nuk eshte nje ide e zgjuar i shtetit algjerian ku vune ushtrine per ti likujduar ne menyre masive kur policia dhe sherbimet sekrete duhet te mernin masa per te liruar pengjet te cilet ishin te huaj..se dyti Algjeria duhet te kete mareveshje me Francen ku e ka pase koloni te jete bashkepunimi si ne Algjeri dhe ne France sepse ne France jane reth 30% te popullsise jane afrikanoveriore kryesisht algjeriane dhe 100.000 mije maliane.dhe ne Mali si vend fqinj me Algjerine duhet bashkepunim France dhe Agjeri..

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    09.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

    LAJME

    SHBA, kurset e trajnimit dhe tregu i punës

    Një qendër trajnimi në Merilend, u mëson studentëve profesione që i ndihmojnë të gjejnë vende pune
    Më tepër

    Fëmijët dhe interneti i sigurtë

    Në ditën ndërkombëtare të internetit të sigurtë, organizata ndërkombëtare World Vision, që vepron në Shqipëri, bëri thirrje për një vemendje më të madhe ndaj përdorimit të internetit nga fëmijët
    Më tepër

    Mësimi i gjuhës shqipe në Selanik

    Në klasat e hapura pranë Universitetit të Selanikut, grupe fëmijësh mblidhen çdo fundjavë për mësimin e shqipes
    Më tepër

    Rifillon gjyqi për ngjarjet e Kumanovës

    Anëtarët e grupit të armatosur shqiptar nuk i pranojnë akuzat e ngritura ndaj tyre për terrorizëm
    Më tepër

    Kabinat mjekësore në Francë

    Kioskat telemjekësore afrojnë pacientët më pranë mjekut
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Fireworks explode over the Victoria Harbor of Hong Kong to celebrate the Lunar New Year of the Monkey.
    • A performer from the Mangueira samba school parades during carnival celebrations at the Sambadrome in Rio de Janeiro, Brazil.
    • An unidentified injured man is escorted by riot police at Mongkok in Hong Kong. Riot police used batons and pepper spray to quell fights after authorities tried to move illegal street vendors from a working-class Hong Kong district, the worst street clashes since pro-democracy protests in late 2014. It is not known whether the injured man is a protester.
    • An aerial view shows firefighters and emergency doctors working at the site of a train accident near Bad Aibling, southern Germany. Two Meridian commuter trains operated by Transdev collided head-on near Bad Aibling, around 60 kilometers (40 miles) southeast of Munich, killing at least eight people and injuring around 100, police said. The cause of the accident was not immediately clear.
    • Handout picture released by the European Space Agency of a photo composition taken by ESA’s Proba-V minisatellite showing as the second largest lake in Bolivia gradually dried up. Lake Poopo was declared fully evaporated in 2015. The three 100-m resolution Proba-V images shown here were taken on 27 April 2014, 20 July 2015 and 22 January 2016 respectively.
    • A man tries to extinguish a fire at an illegal garbage dump after residents decided to set fire to it to prevent the spread of the mosquito-borne Zika virus, in a slum of San Jose, Costa Rica, Feb. 8, 2016.
    • A participant takes part in the annual Great Spitalfields Pancake Race in aid of London's Air Ambulance in London, Britain.
    • An Afghan laborer uses machinery to fluff raw cotton of a bale in making pillows and mattresses, at his traditional shop in Kabul.
    • Revelers participate in a flour fight during the "O Entroido" festival in Laza village, Spain, Feb. 8, 2016.
    • Children watch their classmate pour cold water on herself, under the watch of fitness coach Oksana Kabotko (not pictured), as part of a health and fitness program at a local kindergarten in Krasnoyarsk, Siberia, in subzero temperatures.
    • A man feeds seagulls on a beach along the Arabian Sea in Mumbai, India.

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.