E mërkurë, 04 mars, 2015

Lajme / SHBA

Armët bërthamore me rreze të shkurtër veprimi

x
Presidenti Barack Obama e ka bërë pakësimin e armëve bëthamore në shkallë botërore një përparësi të administratës së tij. Traktati i ri START për pakësimin e numrit të armëve startegjike amerikane dhe ruse me rreze të gjatë veprimi, ishte një hap i rëndësishëm në atë drejtim. Korrespondenti i Zërit të Amerikës André de Nesnera i hedh një vështrim një lloji tjetër armësh që mund të jenë në qendër të bisedimeve të reja midis Shteteve të Bashkuara dhe Rusisë.

Traktati i ri START e kufizon në 1,550 numrin e mbushjeve bërthamore  për 700 sistemet strategjike bërthamore të lëshimit të këtyre bombave, sisç janë raketat me rreze të gjatë veprimi dhe bomarduesit e rëndë.  

Por marrëveshja e re nuk e trajton çështjen e armëve bërthamore taktike me rreze të shkurtër veprimi.  Këto bomba janë të dislokuara në tokë ose në raketa që lëshohen nga ajri, më një rreze prej më pak se 500 kilometrash, të ashtuquajtura “armë të sheshit të betejës” që përdoren së bashku me forcat konvencionale.

Analistët thonë se Rusia ka rreth 2,000 armë taktike bërthamore dhe jo të gjitha janë funksionale. Shumë pritet të çmontohen  dhe të tjera janë të magazinuara në bunkerë. Daryl Kimball, drejton Shoqatën për Kontrollin e Armëve, një firmë private kërkimesh. Ai thotë se Shtetet e Bashkuara kanë një rezervë shumë më të vogël

“Në Evropë, ka ende rreth 180 bomba bërthamore gravidacionale – bomba B-61 që mund të përdoret në bombarduesit luftarakë si F-16.  Ato janë të vendosura në pesë vende të NATO-s: Belgjika, Holanda, Turqia, Gjermania dhe Italia”.

Analistët thonë se brenda NATO-s ka një debat për fatin e këtyre armëve. Zoti Kimball thotë se disa vende, përfshirë Belgjikën, Holandën dhe Gjermaninë thonë se këto armë taktike nuk i shërbejnë ndonjë synimi ushtarak për mbrojtjen e NATO-s sot, dhe duhet të çmontohen”.

“Këto armë ruhen në bunker. Do të duheshin ditë të tëra për t’i bërë gati për t’i përdorur për avionët  luftarakë. Përdorimi i tyre do të duhej të miratohej nga të 28 vendet anëtare të NATO-s, që është diçka e vështirë për t’u realizuar për çështje të tjera, e aq më pak kur bëhet fjalë për të përdorur armë bërthamore për herë të parë që nga koha e Hiroshimës dhe Nagasakit.”

Por David Holloway, një ekspert i armëve bërthamore në Universitetin Stanford, thotë se anëtarë të tjerë të NATO-s kanë tjetër këndështrim.

“Vende si ato të Evropës Lindore dhe Qendrore duan t’i mbajnë armët  taktike-bërthamore në Evropë si element të angazhimit, apo një simbol të angazhimit të Shteteve të Bashkuara ndaj mbrojtjes së vendeve të NATO-s, sepse ata janë më të shqetësuar nga një kërcënim i mundshëm nga Rusia, sesa ç’janë vendet e Evropës Perëndimore dhe Jugore”.

Gjatë një fjalimi të kohëve të fundit në Berlin, Presidenti Barack Obama tha se Shtetet e Bashkuara dhe NATO-ja do të kërkojnë “një pakësim të madh të armëve taktike bërthamore amerikane dhe ruse në Evropë.” Zoti Holloway thotë se kjo mund të jetë një detyrë e vështirë.

“Çështja e reduktimit të armëve taktike-bërthamore ka qenë tradicionalisht shumë e vështirë sepse Rusia thotë ‘ne kemi nevojë për armë taktike-bërthamore sepse forcat tona konvencionale janë shumë të dobëta krahasuar me ato të NATO-s ose ato kineze. Prandaj ne na duhen armët taktike-bërthamore për t’u mbrojtur”.

Zoti Holloway thotë se për zyrtarët ushtarakë rusë, ështe thelbësore të kenë një mbrojtje të përshtatshme ndaj Kinës.

“Ta zëmë se megjithëse mund të duket jo realiste për momentin, se Kina vendos që të sulmojë ose pushtojë Lindjen e Largët, çfarë mund të bëjë Rusia vetëm me forca konvencionale? Siç më pati thënë një hërë një gjeneral rus: ‘Ne flasim për NATO-n por në fakt na shqetëson Kina.’  Prandaj nuk jam i sigurt edhe nga perspektiva amerikane apo e NATO-s, nëse do të ishte e dobishme që të kishim një marrëveshje sipas së cilës të lejoheshin këto armë në kufirin me Kinën, por t’i eliminonim në Evropë.  Kinezët nuk do ta pëlqenin një gjë të tillë”.

Analistët thonë se pakësimi i armëve bëthamore amerikane dhe ruse me rreze të shkurtër veprimi është një çështje shumë më e ndërlikuar sesa ulja më një të tretën e numrit të raketave me rreze të gjatë veprimi, një propozim tjetër që presidenti Obama bëri në fjalimin e tij në Berlin.
Ky forum është mbyllur
Komente
     
Në këtë forum nuk ka ende komente. Bëhuni i pari që komentoni

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
03.03.2015
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

LAJME

Ukrainë: 32 të vrarë nga një shpërthim në një minierë

Shpërthimi ka ndodhur në një minierë qymyri në një zonë të kontrolluar nga kryengritësit pro rus.
Më tepër

Sonda Dawn në orbitën e trupit qiellor Ceres

Mbledhja e të dhënave mbi mundësinë e kushteve të favorshme për të mbështetur jetën
Më tepër

Ish drejtori i CIA-s pranon fajësinë

Ish drejtori i CIA-s dhe gjenerali me katër yje i dalë në pension, David Petraeus, pranoi fajësinë për akuzat e ngritura ndaj tij lidhur me trajtimin pa kujdes të informacioneve sekrete.
Më tepër

Mbipopullimi i burgjeve të Shqipërisë

Mbipopullimi dhe mungesa e kushteve ka vështirësuar dënimin e të miturve dhe adoleshentëve. OSBE dhe UNICEF po mbështesin dënimet alternative të tyre.
Më tepër

Eksporti i bimëve mjekësore

Malësia e Madhe është rrethi kryesor në Shqipëri për prodhimin dhe eksportin e bimëve aromatike dhe mjekësore, të cilat tregtohen kryesisht në Shtetet e Bashkuara të Amerikës.
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Cats crowd the harbor on Aoshima Island in the Ehime prefecture in southern Japan. An army of cats rules the remote island, curling up in abandoned houses or strutting about in a fishing village that is overrun with felines outnumbering humans six to one.
  • Zhanna, daughter of Russian leading opposition figure Boris Nemtsov, cries during his funeral in Moscow. Thousands of Russians, many carrying red carnations, queued to pay their respects to the Kremlin critic who was gunned down last week.
  • The Villarica volcano erupts near Pucon, Chile.
  • Myanmar riot police confront students during a protest march against an education bill in Letpadan town, some 130 kilometers (80 miles) north of Yangon.
  • Couples from around the world participate in a mass wedding ceremony at the Cheong Shim Peace World Center in Gapyeong, South Korea. 3,800 couples from more than fifty countries exchanged or reaffirmed marriage vows in the Unification Church's mass wedding.
  • A helicopter water bombs fire in the Tokai Forest near Cape Town, South Africa. A wildfire continues to burn across the city's southern peninsula.
  • A woman poses inside the mockup of a car at the Opel booth during the press day of the Geneva Car Show in Switzerland.
  • People take pictures through a window as they wait to see Britain's Prince William in Shanghai, China.
  • Taxi drivers line a street during a protest against the online ride-sharing company Uber, in central Brussels, Belgium.
  • Swedish music band ABBA's new wax figures are presented at the ABBA museum in Stockholm.

Interaktive