E dielë, 14 shkurt, 2016

    Lajme / Bota

    Egjipti, dy vjet pas përmbysjes së Mubarakut

    Ndjenjat e egjiptianëve janë të përziera rreth ndryshimeve në vend

    anniversary
    anniversary
    Protestuesit egjiptianë të zhgënjyer me qeverinë e presidentit Mohamed Morsi u përleshën me policinë në Kajro të hënën, gjatë protestave që shënuan përvjetorin e dytë të dorëheqjes së ish presidentit Hosni Mubarak.
     
    Policia përdori pompa uji dhe të gazit lotsjellës për të shpërndarë demonstruesitqë hidhnin gurë jashtë pallatit presidencial.
     
    Disa parulla bënin thirrje për revolucion, ndërsa të tjerët thërrisnin poshtë Vëllazëria Myslimane.
                                                           
    Gjatë dy viteve të fundit, në Egjipt kanë ndodhur aq shumë ndryshime saqë ndonjëherë është e vështirë të kujtosh se për një kohë të gjatë gjendja ishte pothuajse e pandryshuar. Regjimi 30 vjeçar i Hosni Mubarakut, ishte një peshë që shumë vetëve u dukej thuajse e pamundur për t’u hequr.

    Udhëheqësit e moshuar të rajonit ishin të njëjtët për dekada me radhë. Para disa ditësh një episod i vogël solli në kujtesë të kaluarën. Në një konferencë në Kajro, udhëheqësi palestinez Mahmoud Abbas, duke iu referuar presidentit egjiptian Mohamed Morsi, pa dashje filloi të thoshte “Hosni”, para se ta korrigjonte me nxitim gabimin.

    Një gjendje e tillë e pandryshuar, e bëri kryengritjen 18 ditëshe para dy vjetësh edhe më të pazakontë. Dhe kur zoti Mubarak dha dorëheqjen më 11 shkurt 2011, protestuesit në sheshin Tahrir dhe në gjithë vendin u përfshinë nga entuziazmi për të ardhmen.

    Por sot, shpresa e premtimeve është zhdukur për disa.  Ja si e shpreh zhgënjimin kjo vajzë në sheshin Tahrir.
            
    “Mendoj se asgjë nuk ka ndryshuar. Iku Mubaraku, erdhi Morsi. Ai nuk po bën asgjë për popullin e Egjiptit”.
     
    Tahriri mbetet qendra e protestave, por tani pankartat denoncojnë zotin Morsi dhe Vëllazërinë Myslimane nga ai vjen. Ata protestojnë ndaj gjendjes së mjeruar ekonomike, udhëheqjes që e akuzojnë për interesa vetjake dhe një dështimi të përgjithshëm për të realizuar idealet e revolucionit.

    Eksperti i shkencave politike në Universitetin Amerikan të Kajros, Said Sadek beson se keqësimi i gjendjes do të vazhdojë. Por ai i vë ngjarjet në kontekst historik.
            
    “Duhet të kemi parasysh se pas çdo revolucioni, qeveria dobësohet, ekonomia dobësohet, siguria dobësohet dhe presidenti është i dobët”.
     
    Duket se disa egjiptianëve ulur në një kafene në sheshin Tahrir  nuk u mungon durimi. Qetësia e orëve të kaluara duke pirë kafe dhe tymosur, është në kontrast me  trazirat  që pasqyrohen në media.

    Ndërsa tendat e protestuesve janë vetëm disa metra larg, Mohamed Yasso, vlerëson të kaluarën dhe të ardhmen.
            
    Sipas tij Mubaraku pati sukseset e tij si ushtarak, megjithëse ai e fajëson për rënien e ekonomisë. Ai thotë se dëshira e ish-presidentit për të përgatitur të birin, si pasuesin e tij, e mbushi kupën dhe revolucioni u bë i pashmangshëm.

    Përsa u takon problemeve aktuale, Yasso këshillon se duhet durim dhe punë, si nga publiku edhe nga udhëheqja. Qeveria, thotë ai, duhet të dijë si ta përdorë energjinë e të rinjve.
            
    Të rinjtë kanë nevojë për strehim dhe punë, ata kanë nevojë për shpresë për arsim, kujdes shëndetësor dhe martesë. Të rinjtë duhet ta ndjejnë se ka shpresë, thotë ai.
    Për shumë të rinj, shpresa e para dy vjetëve që solli revolucioni po vihet sot në provë.
    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    13.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet. Ju mund të gjeni gjithashtu të rejat e fundit nga mjekësia dhe shkenca, si edhe nga bota e artit.

    LAJME

    Vdes Scalia, anëtar i Gjykatës së Lartë të SHBA

    Antonin Scalia, 79 vjeç, vdiq nga shkaqe natyrore në Cibolo Creek Ranch, një vendpushim i Teksasit
    Më tepër

    SHBA përforcon mbështetjen për Evropën

    Sekretari amerikan i Shtetit, John Kerry, tha se SHBA ka një “interes të thellë” në fuqizimin e Evropës përballë tensioneve të reja me Rusinë dhe fluksit të papreçedent të refugjatëve
    Më tepër

    Ndikimi rus në Ballkan

    Vëzhguesit thonë se propaganda, organizatat dhe shoqatat kulturore ruse kanë shtuar praninë në Serbi, Mal të Zi, Shqipëri dhe Maqedoni
    Më tepër

    SHBA, kurset e trajnimit dhe tregu i punës

    Një qendër trajnimi në Merilend, u mëson studentëve profesione që i ndihmojnë të gjejnë vende pune
    Më tepër

    Aktoret e reja për çmimin Oskar

    Aktoret e nominuara për çmimin Oskar janë të moshës së re, të talentuara dhe konkurruese
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.