Në Kosovë, po vazhdon jehona e raportit të prokurorit të posaçëm Clint Williamson, që drejton grupin hetues të ngritur nga Bashkimi Evropian për hetimin e krimeve të luftës. Trajtimi i gjetjeve të raportit të tij do të ndodhë në një gjykatë të posaçme, themelimi i së cilës është miratuar nga Parlamenti i Kosovës, por ngritja e saj varet nga procesi i formimit të institucioneve të reja të dala nga zgjedhjet e parakohshme parlamentare të tetë qershorit. Nga Prishtina njofton korrespondenti ynë, Besim Abazi.