Presidentja e Kosovës, Atifete Jahjaga, zhvilloi sot sërish një seri takimesh me partitë politike, në përpjekje për të gjetur një rrugëdalje nga situata e krijuar në vend, ku ende nuk janë formuar institucionet e dala nga zgjedhjet e parakohshme të tetë qershorit. Përfaqësuesit e partive politike përsëriten qëndrimet e njëjta, një ditë para se të mblidhet parlamenti për të vazhduar seancën e cila është ndërprerë dy herë radhazi për shkak të dështimit për të zgjedhur kryetarin e tij. Nga Prishtina njofton korrespondenti ynë, Leonat Shehu.