Në Kosovë, Lidhja Demokratike tha të hënën se mund të kalojë në opozitë nëse nuk merr postin e kryeministrit në koalicionin me Partinë Demokratike. Edhe më tej këto dy parti nuk e kanë bërë të qartë se si do të bëhet ndarja e pushtetit pas marrëveshjes që arritën të mërkurën e kaluar për ndërtimin e institucioneve të reja, në përpjekje për t’i dhënë fund procesit të gjatë të debateve për zbatimin e rezultateve të zgjedhjeve parlamentare të tetë qershorit. Nga Prishtina njofton korrespondenti ynë, Besim Abazi.