Lidhje

Mediat: Identifikohet britaniku Xhihadi Xhon


Njoftimet e medias bëjnë të ditur se militanti i maskuar i Shtetit Islamik që shfaqet në disa vidio të pengjeve është identifikuar – por disa burime paralajmërojnë se këto njoftime mund të mos jenë të sakta.

Njoftimet sot citonin miq të Mohammed Emvazit që thonë se ai është personi i njohur me nofkën “Xhihadi John”.

Një Korrespondent i Zërit të Amerikës në Romë tha se burimet evropiane të zbulimit refuzuan të konfirmojnë se Emvazi është Xhihadi John, duke thënë se historia është më e komplikuar se kaq.

Personi shfaqet në video me të zeza, me maskë dhe armë. Zyrtarët amerikanë dhe britanikë nuk i kanë konfirmuar ende komentet e medias për identitetin e tij.

Emvazi njoftohet të jetë me origjinë kuvajtiane, i rritur në një familje të klasës së mesme dhe që praktikonte fenë myslimane. Miqtë dhe të afërmit thonë se ai filloi të radikalizohej vitet e fundit pas udhëtimeve në Afrikë dhe Lindjen e Mesme.

XS
SM
MD
LG