Në Prishtinë, në kuadër të muajit për shënimin e autizmit, u zhvillua sot një gjysmë maratonë në përpjekje për ndërgjegjësimin e shoqërisë së Kosovës rreth kësaj sindrome. Aktualisht nuk ka të dhëna të sakta për numrin e fëmijëve me këtë sindromë, ndërsa shoqatat humanitare tërheqin vërejtjen në mungesën e përgatitjeve të nevojshme për t’u përballur me këtë çështje.
