Delegacionet e Kosovës dhe Serbisë po bisedojnë sot në Bruksel me ndërmjetësimin e Bashkimit Evropian. Në raundin e sotëm po trajtohen çështjet që kanë të bëjnë me energjinë, telekomunikimet, lëvizjen e lirë në veriun e Kosovës dhe krijimin e asociacionit të komunave me shumicë serbe, të cilat javën e kaluar palët dështuan të arrijnë marrëveshje për këto çështje. Të dyja palët kanë qëndrime kundërthënëse, në një kohë kur arritja e këtyre marrëveshjeve është e domosdoshme për të ardhmen evropiane të të dyja vendeve. Nga Prishtina njofton korrespodenti ynë, Leonat Shehu.