E shtunë, 13 shkurt, 2016

    Lajme / Ballkani

    Atentat në Tiranë kryekomisarit

    Vritet në mbrëmje oficeri i policisë Dritan Lamaj. Ai u qëllua për vdekje me breshëri kallashnikovi. 100 mijë dollarë shpërblim për informacion rreth vrasësve

    x
    Në Shqipëri u vra mbrëmë gjatë një prite në Tiranë, kryekomisari i policisë Dritan Lamaj, 41 vjec. Ai u qëllua me breshëri automatiku pranë banesës së tij, rreth orës 18.30 në një zonë të populluar të kryeqytetit.  Sipas të dhënave të para kryekomisari po udhëtonte me makinën e tij dhe mendohet të jetë qëlluar në momenti që ai ka ndaluar për të zbritur nga automjeti.

    Deri mbrëmë vonë nga policia nuk ka patur asnjë version zyrtar për vrasjen, rreth së cilës po heton prokuroria e krimeve të rënda. Dyshohet se vrasja ka qenë e planifikuar në detaje dhe se atentatorët kanë ndjekur nga afër lëvizjet e Lamajt duke pritur që ta qëllojnë në një zonë me pak ndricim. Dëshmitarë të rasti kanë treguar se kanë parë të paktën dy persona me maska që kanë qëlluar  dhe më pas janë larguar me një makinë. Policia njoftoi pak caste pas vrasje se kishte vënë një shumë prej 100 mijë dollarësh në dispozicion të kujtdo që mund të ketë informacione mbi vrasësit.

    Kryekomisari 41 vjecar kishte një karrierë të gjatë ë policië, ku kishte kreyr detyra dhe funksioneve të ndryshme. Ai aktualisht punonte në Drejtorinë e Përgjithshme të policisë, ndërsa deri para disa muajsh drejtonte një nga komisariatet më të vështirë të kryeqytetit, atë që kishte në ngarkim një zonë periferike të kryeqytetit. Gjatë detyrës në këtë komisariat, sipas mediave në TIranë, ai kishte patur përplasje më disa biznese të zonës, madje ndaj tij kishte patur edhe denoncime për ushtrim të mjeteve të dhunshme.
    Ndërkaq po sipas mediave, kohët e fundit, ndonëse në një detyrë e cila nuk kishte lidhje me veprimtarinë direkt në terren, kryekomisar Lamaj, ka bërë denoncime në prokurori se kishte marrë kërcënime të vazhdueshme.

    Vrasja e mbrëmshme është e treta në harkuan kohor të disa muajve. Në shtator u vra shefi i Komisariatit të Shijakut, Adem Tahiraj, ndërsa muajin e kaluar shefi i krimeve të Burrelit, Musa Skuraj. Në një reagim të tijin në Twitter, kryetari I opozitës Edi Rama akuzoi edhe një herë qeverinë se ka tradhëtuar policinë për interesat e pushtetit.
    Ky forum është mbyllur
    Përzgjedhja e komenteve
    Komente
         
    nga: Xhevahir Gradica nga: Durres
    25.02.2013 17:50
    Krimi duhet luftuar pavaresisht fatures. Policia e shtetit po kalon periudhe te veshtire. Ne rradhet e saj nuk ka vetem te implikuar, por edhe te paafte. Eshte koha qe ne krye te te gjithe ministrive te vendosen emra qe e njohin me se miri specialitetin. Nuk ka pse arsimin ta drejtoje nje zooteknik a agronom, shendetesine nje ekonomist e financier, financat nje mjek. Krimi ne Shqiperi ka marre permasa te frikshme. Njerezit vriten ne mes te qytetit, grabiten ne pike te dites. Ministri Noka duhet te shohe seriozisht mundesine e doreheqjes. Lypset te kthehet ne institucion principi moral i doreheqjes


    nga: Tini nga: USA
    25.02.2013 14:37
    Keto skenare me vrasje kane per qellim destabilizimin e shoqerise,terrorizimin e saj.Keshtu eshte vepruar edhe me zjarret e qellimshme ne stinen e veres qe shkoi dhe po vazhdohet me vrasje e vjedhje masive kudo e mbi kedo.Komunistet e marrin pushtetin me dhune,kjo eshte baza kryesore e komunisteve.Kete specifike e kane perdorur komunistet(socialistet) edhe ne vende te tjera te Europes ne prag te zgjedhjeve te reja.


    nga: Flamur Collaku nga: Tirane, Shqiperi
    25.02.2013 09:40
    I shpreh ngushellime te sinqerta familjes per humbjen e njeriut te tyre te afert dhe efektivave te policise per humbjen e kolegut te tyre. Me vjen shume keq qe ndodhin fenomene te tilla ne vendin tim, por nuk mund te pergjithesohet se jemi ne nje situate kaotike ne lidhje me rendin. Ai funksionon me se miri. Personat qe kane besim se kjo rregullohet me ardhjen ne pushtet te Partise Socialiste besoj se mendojne shume gabim. Ju kujtoj se prane kesaj partie jane persona qe kane qene ne policine e shtetit disa nga ato vijne me nje karriere te "shkeqyer" ne Sigurimin e Shtetit komunist te cilit akoma nuk i jane mbyllur plaget. Disa nga keto kane udhehequr komitetet e shpetimit te vitit 1997. Sukseset e policise se sotme jane cilesore dhe me nje profesionalizem.
    Mbi kete akta mafioz duhet te dale pergjegjesia sepse kishin detyre ta parandalonin kur kishte kallzime per kanosjen serioze nepermjet telefonave. Kjo sipas deklarimeve ne media. Mendoj se edhe media eshte pjese e nxitjes se ketij krimi kur aplifikoi me te gjitha mjetet denoncimin e veprimeve "arbitrare" te komisar Lamajt.
    Kjo vrejtje nuk behet per te heshtur media por vetem per te pasqyruar realitetin, faktet dhe vetem te verteten.
    Zoti besoj se nuk na ka mallkuar kur ne drejtm te na kthehen strukturat e errta te sigurimit te shtetit, qarqet ultra komuniste te akrediturara kryesisht prane Partese Socialiste dhe te na riciklohet si kryeminister nje person qe shkaterroj dhe sundoi Tiranen per 11 vjet.


    nga: Anonim
    25.02.2013 08:50
    Ne Qeverine Berisha -Meta eshte instaluar krimi i organizuare dhe mafia e cila vret cdo dite sepse Ministria e Brendeshme eshte mbushur me mafioze te cilet shesin informacionet krimineleve ,vrasja mafioze e Dritan Lamaj i cili punon ne Drejtorine e Hetimit ne Ministrine e Brendeshme ,kur i ndjeri i kishte kerkuar ndihme policise per kercenime nga mafiozet brenda policise qe jepni informacione krimineleve mafioze pra kupola e Ministrise te Brendeshme po shet Policine e ndershme tek mafiozet duhet te jape doreheqje Ministri i Brendeshem Z Flamur Noka .Z Burgaj dhe Z Kulicaj..


    nga: Petro Jashari nga: U S A
    25.02.2013 06:01
    Kur pushteti mafjoz ne Shqiperi e vret qytetarin e vet ne trotuar diten me djelle e me duar ne xhepa se ka aspake te veshtire te te vrase naten. Eshte e pa mundur qe per cdo dite mos degjosh per vrasje te cilat po e cenojne rende e percmojne jeten e cdo qytetari. Mbas largimit te ketij pushteti mafjos me 23 Qershor me doemos duhet te kete ndryshime edhe ne kushtetute jo vetem per ato aspekte . qe permendi me te drejte zoti Kreshnik Spahiu por edhe rikthimin e denimit kapital per vrsesit me paramendim.Kushtetuta e sotme ne Shqiperi nuk i pergjigjet realitetit dhe si e tille ajo duhet te ndryshoje ne raport me evolimin e shoqerise.

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    12.02.2016
    Emisioni televiziv Ditari

    LAJME

    Maqedoni: Prokurorja Speciale nis hetime

    Hetimet në procesin e quajtur “Titanik”, përfshijnë ministra, gjykatës, noterë dhe zyrtarë të lartë të dyshuar për mashtrim zgjedhor
    Më tepër

    Qëndrimi ulur dhe tkurrja e trurit

    Një studim i ri zbulon se qëndrimi ulur në kolltuk duke parë televizor, në vend të ushtrimeve fizike, mund të shkaktojë tkurrjen e trurit tek të moshuarit.
    Më tepër

    USAID dhe fermerët në Malësi të Madhe

    Malësia e Madhe është zona ku grumbullohet sasia më e madhe e bimëve mjeksore, që eksportohen në SHBA.
    Më tepër

    BE, ultimatum Greqisë për kontrollin kufitar

    BE i dha Greqisë tre muaj afat të ndreqë problemet, përndryshe do të përballet me pezullim të antarësimit në Zonën e Shengenit për lëvizjen pa viza
    Më tepër

    Obama dhe fushata presidenciale

    Presidenti amerikan që mori pjesë në disa aktivitete politike për mbledhje fondesh për Partinë Demokrate në Kaliforni, tha se vendi është në një moment të rëndësishëm politik
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.