Lidhje

Presidenti Obama fillon zyrtarisht mandatin e dytë


Pas fitores në një garë të ashpër presidenciale, Presidenti amerikan Barak Obama bëri zyrtarisht betimin në një ceremoni private në Shtëpinë e Bardhë.

Zoti Obama bëri betimin zyrtar për një mandat të dytë me dorën e tij mbi një Bibël që i përket familjes së zonjës së parë, Michelle Obama.

Sot paradite, presidenti dhe nënpresidenti Joe Biden, i cili bëri betimin më parë, morrën pjesë në ceremoninë tradicionale të vendosjes së kurorës tek Ushtari i Panjohur në Varrezat Kombëtare të Arlingtonit.

Kushtetuta amerikane kërkon që presidenti të bëjë betimin më 20 janar. Meqë kjo datë këtë vit është ditë e dielë, presidenti dhe nënpresidenti do ta ribëjnë betimin nesër në një ceremoni tradicionale publike, përpara ndërtesës së Kongresit.

Ceremonia e së hënës nuk pritet të jetë me një pjesëmarrje po aq të madhe sa në inaugurimin e parë të presidentit kur në Uashington erdhën gati 2 milion njerëz për të qenë dëshmitarë të betimit të presidentit të parë afrikano-amerikan. Këtë vit, pritet të marrin pjesë gati 800 mijë njerëz në inaugurimin e dytë dhe të fundit të presidentit Obama.
XS
SM
MD
LG