E shtunë, 06 shkurt, 2016

    Lajme / SHBA

    Qeveria amerikane pezullon avionin e ri Boeing 787

    Avioni nuk do të mund të përdoret pa u zgjidhur problemi i rrezikut që lidhet me bateritë

    x

    Qeveria amerikane pezulloi dje fluturimet e avionit të ri Boeing 787, duke thënë se kompanitë ajrore amerikane nuk mund ta përdorin këtë avion, pa u zgjidhur problemi i rrezikut që lidhet me bateritë e tij. Ky tip i ri avioni është pezulluar edhe nga kompani ajrore të vendeve të tjera, duke përfshirë ato evropiane.

    Urdhri i Administratës Federale të Aviacionit prek vetëm kompaninë United Airlines, e vetmja në Shtetet e Bashkuara që përdor avionin Boeing 787, të quajtur Dreamliner.

    Kompania United tha se do t’i transferojë udhëtarët në avionë të tjerë dhe do të punojë nga afër me autoritetet dhe me firmën Boeing për të rishikuar operacionet e 6 avionëve Dreamliner që ajo përdor.

    Vendimi i ngutshëm i Administratës Federale të Aviacionit erdhi në të njëjtën ditë që dy kompanitë më të mëdha ajrore të Japonisë i pezulluan fluturimet e avionëve të tyre Dreamliner deri sat ë bëhen kontrollet e sigurisë.

    Japonia ka thuajse gjysmën e të 50 avionëve Dreamliner të prodhuar deri më sot nga firma Boeing.

    Edhe kompania Air India pezulloi fluturimet e të 6 avionëve të saj Boeing 787.

    Në aeroportin  O'Hare të Çikagos, një zëdhënës i linjave ajrore polake,  LOT, u konfirmoi udhëtarëve se kompania kishte anuluar fluturimin e inaugurimit të avionit Dreamliner për në Varshavë.

    "Arsyeja është se si Boeingu ashtu edhe Administrata Federale e Aviacionit i kanë rekomanduar anulimin bordit tonë në Varshavë, përsa kohë që hetimi vazhdon,” tha zëdhënësi Frank Joost.

    Udhëtarët nuk janë ankuar për ndryshimin e planeve.

    "Edhe po të isha unë në vend të tyre do ta kisha anuluar fluturimin,” thotë ky udhëtar që kishte në plan të fluturonte me Boeing 787-n.

    "Më mirë të niset nesër me një avion tjetër se sa të rrezikohet,” thotë  Ewa Potoczak, burri i së cilës kishte në plan të udhëtonte.

    Kompania Boeing tha se po punon ditë e natë për të sqaruar problemin e baterive.

    Vendimi i Administratës Federale të Aviacionit shënon një dështim tjetër për këtë avion që pritej të vendoste standarde të reja për udhëtimet ajrore.

    Shembulli më i fundit është kur pilotët e kompanisë japoneze All Nippon Airways u sinjalizuan gjatë fluturimit nga Yamaguchi në Tokyo se diçka po digjej dhe se bateria kishte probleme.

    Dje, ata bënë një ulje të detyruar në aeroportin Takamatsu dhe udhëtarët u evakuuan duke përdorur rrëshqitësit prej gome.

    Inspektimi nxori se nga bateria kryesore prej litiumi pranë kabinës së pilotit kishte rrjedhur një lëng i djegshëm. Ekspertët gjetën shënja djegieje pranë vendit të rrjedhjes dhe ministria e transporteve tha se kjo mund të kishte shkaktuar aksident.

    Më 7 janar, në një avion Boeing 787 të parkuar në aeroportin Logan të Bostonit ndodhi një zjarr i shkaktuar nga bateria.

    Boeing 787-a është avioni i parë në të cilin përdoret gjerësisht bateria prej litiumi. Por në të kaluarën kjo lloj baterie ka krijuar shqetësime sepse mund të shkaktojë zjarr.

    Boeingu ka marrë porosi për të prodhuar 800 avionë Dreamliner nga kompani ajrore të shumë vendeve, të cilat e pëlqejnë sepse shpenzon më pak karburant.

    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    05.02.2016
    Emisioni televiziv Ditari

    LAJME

    Assange flet pas vendimit të OKB-së

    Themeluesi i WikiLeaks tha se përfundimi i komisionit të OKB-së se ai po mbahet i ndaluar në mënyrë arbitrare, provon se ai kishte të drejtë
    Më tepër

    Votim për masa të debatueshme sigurie në Francë

    Ligjvënësit francezë filluan të analizojnë legjislacionin për të forcuar ligjet e sigurisë, përfshirë propozime të debatuara ashpër për të ndryshuar kushtetutën e vendit
    Më tepër

    Ligji për dekriminalizimin

    Në Shqipëri, parlamenti pritet të miratojë brenda muajit mars aktet nënligjore të cilat do të mundësojnë zbatimin e ligjit për dekriminalizimin të miratar dhjetorin e kaluar.
    Më tepër

    Kriza në Kosovë

    Presidentja Atifete Jahjaga pret të takojë të hënën udhëheqësit e partive politike për të diskutuar rrugët e zgjidhjes së krizës politike që vlerësohet si më e rënda që nga shpallja e pavarësisë së Kosovës
    Më tepër

    Takimi i dy udhëheqësve të rëndësishëm fetarë

    Papa Françesku, kreu i Kishës Katolike do të takohet me Patriarkun Kirill, kreu i Kishës Ortodokse Ruse, javën që vjen në takimin e parë mes udhëheqësve në historinë e dy kishave
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • An Indian student with his face painted as a tiger interacts with his classmates as he awaits for the judgement of a face painting competition at the Kids for Tigers Annual Tiger Fest in Mumbai.
    • Riot policemen try to avoid a petrol bomb thrown by protesters during a 24-hour nationwide general strike in Athens, Greece. Clashes broke out between police and youths throwing fire bombs and stones, as tens of thousands of people march through central Athens to protest planned pension reforms.
    • President Barack Obama, and University of Alabama football player and Heisman Trophy winner Derrick Henry strike a 'Heisman-pose' for a photo during the National Prayer Breakfast in Washington.
    • Divers wear costumes as they perform at an aquarium ahead of the upcoming Spring Festival inside a zoo in Beijing, China.
    • A monkey trainer touches the head of a sick monkey as it receives treatment in Wuhan, Hubei province, China.
    • Members from Sri Lankan military march during the 68th Independence day celebrations in Colombo.
    • People take photos of bodies of dead stranded sperm whales behind the dyke of Kaiser Wilhelm Koog at the North Sea coast, Germany.
    • Police patrol as revelers take part in the traditional "Weiberfastnacht" (Women's Carnival) celebration in Mainz, Germany.
    • A nominee for queen of the Carnival of Santa Cruz shows off her outfit on the main stage in Santa Cruz de Tenerife on the Spanish Canary island of Tenerife, Feb. 3, 2016.
    • A member of the Maasai Cricket Warriors bowls a ball during a charity cricket match against former Rugby players in Sydney, Australia.
    • Dancers of the Wiener Staatsballett (state ballet) perform during a dress rehearsal the day before the traditional Opera Ball in Vienna, Austria, Feb. 3, 2016.
    • South Korean senior students clad in traditional costumes sit and bow during a joint graduation and coming-of-age ceremony at Dongmyung Girls' High School in Seoul.

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.