Balerina e famshme franceze Sylvie Guillem erdhi në Nju Jork, si pjesë e turneut të saj të lamtumirës. Por asgjë nga karriera e njërit prej anëtarëve të trupës që e shoqëron atë nuk ka të bëjë me një lamtumirë apo fund. Brigel Gjoka, është në kulmin e karrierës si balerin dhe po vë në jetë edhe ambicien e tij për të qenë koreograf. Me mbi një dekadë sukses, balerini shqiptar i vendosur në Frankfurt, ka realizuar shumë nga ëndrrat e tij dhe shpreson të arrijë edhe të tjera.