E dielë, 14 shkurt, 2016

    Lajme

    Britania dhe Bashkimi Evropian

    Kryeministri britanik Cameron ka filluar një proces që mund të çojë edhe në daljen e Britanisë nga Bashkimi Europian

    x
    Al Pessin
    Kryeministri britanik David Cameron ka filluar një proces që mund të çojë edhe në daljen e Britanisë nga Bashkimi Europian, gjë që analistët thonë se do të dëmtonte rëndë ekonominë e vendit.
     
    Ekonomia e Britanisë mbështetet tek tregtia dhe shërbimet financiare. Lëvizja e lirë e mallrave dhe e shërbimeve mes saj dhe kontinentit evropian ka qenë një ndihmë e madhe, por britanikët, gjithnjë e më shumë, e shohin Bashkimin Evropian si një shkelje të padëshiruar të sovranitetit të tyre.
    Kjo ka shtyrë kryeministrin Cameron të premtojë një ri-negocim të lidhjeve të Britanisë me BE-në dhe zhvillimin e një referendumi brenda pesë vitesh, nëse ai zgjedhet sërish në mesin e procesit.

    "Kemi qenë shumë të qartë lidhur me gjërat që duam të ndryshojmë. Ka disa fusha, si legjislacioni social, legjislacioni i punësimit apo legjislacioni i mjedisit, në të cilat Evropa e ka tepruar."

    Zoti Cameron tha se ai dëshiron vazhdimin e tregut të përbashkët, por vetëm duke shmangur disa nga rregullat e tij, një qasje që analisti Stephen Tindale, i Qendrës për Reforma Evropiane, thotë se nuk mund të funksionojë.

    "Plani i tij është i parealizueshëm, sepse do të ngriheshin shumë barriera, rregullore të ndryshme apo standarde të pabarabartë, kështu që prodhimet nuk do të mund të tregtohen aq lirisht brenda Evropës sa tani."

    Ky parashikim duket i dëmshëm për biznesin, por 56 udhëheqës të biznesit britanik e mbështetën planin e kryeministrit, duke përfshirë krerët e bursës së Londrës dhe një nga bankat më të mëdha të vendit. Ata kritikuan atë që e quajtën "një barrrë gjithnjë e më rëndë nga Brukseli".
    Por zoti Tindale paralajmëron se ndryshimet e parashikuara nga udhëheqësit e biznesit dhe kryeministri britanik kanë shumë mundësi të mos pranohen nga udhëheqësit e tjerë evropianë.

    "Vendet e tjera anëtare të Bashkimit Evropian me siguri do ta lejojnë Britaninë të dalë prej federatës nëse lista e kërkesave për rikthimin e pushtetit do të ishte tepër e gjatë."

    Zyrtarët evropianë kanë shfaqur disa shenja të tilla, duke përfshirë edhe zëdhënësen e qeverisë franceze.

    "Të qenit anëtar i Bashkimit Evropian sjell një numër detyrimesh, dhe Evropa tek e cila ne besojmë dhe në të cilën ne jetojmë është një pakt solidariteti i cili vlen për të gjitha shtetet anëtare. Përndryshe nuk do të ishte solidaritet."

    Por Britania nuk ka qenë asnjëherë e interesuar për solidaritet të plotë me anëtarët e tjerë të BE-së. Disa vite më parë, vendi zgjodhi të mos përfshihej në dy aspekte kyçe të Bashkimit, monedhën e përbashkët dhe marrëveshjen e kufijve të hapur.

    Eksperti i politikave evropiane i universitetit “London School of Economics”, Iain Begg, thotë se ndërkohë që kriza e euros po shtyn shumicën e kontinentit drejt një integrimi më të ngushtë, Britania dëshiron më pak bashkim.

    "Mendoj se Evropa po shkon drejt një integrimi më të madh, dhe Britania shqetësohet gjithnjë e më shumë për këtë tendencë federalizimi. Për këtë arsye, mendoj se ndarja prej Bashkimit është alternativa e vetme."

    Por kryeministri Cameron dhe mbështetësit e tij thonë se nuk duan ndarje, por një marrëdhënie më të mirë. Megjithatë, plani për negociata me 26 anëtarët e tjerë të BE-së dhe referendumi i parashikuar sjellin shumë pasiguri, dhe ekspertët thonë se kjo mund ta çonte Britaninë drejt rrugës që zoti Cameron thotë se nuk dëshiron: ndarja nga Bashkimi Evropian.
    Ky forum është mbyllur
    Përzgjedhja e komenteve
    Komente
         
    nga: Anonim
    26.01.2013 08:31
    Britania e Madhe ka nje histori brilante ne politike,ne ekonomi dhe promotori i levizjeve historike dhe ka bere epoke per vendin e saj dhe ne bote,per fat te keq politika e Britanise eshte zbehur shume ku dalin ne pah ne BE ne politike dyshja Gjermani dhe Franca ku politika e tyre eshte as mish as peshk ne politiken e BEdhe ate boterore ku nuk po zgjidhin nje krize ekonomike me Greqine e cila eshte e semura e rende e Be dhe po zhyt te gjithe BE..Britania e Madhe nuk eshte ne monedhen euro dhe ne shengen .por ben tregeti me vendet e BE dalja e Britanise te Madhe nga BE me kete sistem qeverisje te BE i ben mire sepse mbahen nje tufe burokratesh me roga te majme dhe nuk e mer vesh i pari te dytin.Nerastese BE apikon qeverisjen e USA atehere Britania e Madhe mund te qendroje ne Be por me kusht nga 27 vende te BE duhet ta drejtojne qeverisjen Anglia,Gjermania,Franca Italia dhe Austria te tjeret poste te dores te dyte..

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    13.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet. Ju mund të gjeni gjithashtu të rejat e fundit nga mjekësia dhe shkenca, si edhe nga bota e artit.

    LAJME

    Vdes Scalia, anëtar i Gjykatës së Lartë të SHBA

    Antonin Scalia, 79 vjeç, vdiq nga shkaqe natyrore në Cibolo Creek Ranch, një vendpushim i Teksasit
    Më tepër

    SHBA përforcon mbështetjen për Evropën

    Sekretari amerikan i Shtetit, John Kerry, tha se SHBA ka një “interes të thellë” në fuqizimin e Evropës përballë tensioneve të reja me Rusinë dhe fluksit të papreçedent të refugjatëve
    Më tepër

    Ndikimi rus në Ballkan

    Vëzhguesit thonë se propaganda, organizatat dhe shoqatat kulturore ruse kanë shtuar praninë në Serbi, Mal të Zi, Shqipëri dhe Maqedoni
    Më tepër

    SHBA, kurset e trajnimit dhe tregu i punës

    Një qendër trajnimi në Merilend, u mëson studentëve profesione që i ndihmojnë të gjejnë vende pune
    Më tepër

    Aktoret e reja për çmimin Oskar

    Aktoret e nominuara për çmimin Oskar janë të moshës së re, të talentuara dhe konkurruese
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.