E premte, 05 shkurt, 2016

    Lajme / SHBA

    Vendi i Presidentit George W. Bush në histori

    x
    Jim Malone
    Përurimi i Bibliotekës dhe Muzeut Presidencial George W. Bush të enjten në Austin të Teksasit me siguri që do të ringjallë debatin lidhur me vendin e këtij presidenti në histori. Anketat e opinionit tregonin se zoti Bush nuk ishte aspak popullor kur u largua nga detyra në vitin 2009. Por sipas disa anketave të kohëve të fundit, miratimi i publikut për të është përmirësuar.

    Ish presidenti George W. Bush gjithnjë ka këmbëngulur se atë nuk e kanë shqetësuar kurrë anketat e opinionit, madje ka thenë se historia do të jetë gjykatësi  i fundit i presidencës së tij. Në ceremoninë e përurimit të bibliotekës së tij presidenciale, zoti Bush tha se shpreson që administrata e tij një ditë të mbahet mënd për punën e saj për përhapjen e lirisë në botë.
     
    “Erërat politike fryjnë nga e majta dhe nga e djathta. Anketat e opinionit ulen dhe ngrihen. Përkrahësit vijnë dhe shkojnë, por në fund të fundit, udhëheqësit përkufizohen nga bindjet e tyre”.
     
    Historianët thonë se presidentët mund ta kenë të vështirë t’i shpëtojnë gjykimit të historisë apo të përpiqen ta ndryshojnë atë sapo largohen nga Shtëpia e Bardhë. Bruce Buchanan është profesor i shkencave politike në Universitetin e Teksasit dhe ekspert i presidencave. Ai thotë se ish presidenti Bush përballet me vështirësi të mëdha në përpjekjet për të ndryshuar perceptimin rreth administratës së tij me kalimin e viteve, veçanërisht kur bëhet fjalë për luftën në Irak.
     
    “Nëse Iraku bëhet lulja e demokracisë, që do të lulëzojë pas 20, 30 apo 40 vjetësh dhe përhapet në pjesën tjetër të Lindjes së Mesme, ka shumë të ngjarë që vendimi tepër kontradiktor i presidentit Bush për të ndërhyrë në Irak pa provokim të harrohet. Për momentin është vështirë që kjo të parashikohet me me siguri dhe me bindje të plotë”.
     
    Kur zoti Bush u largua nga Shtëpia e Bardhë në janar të vitit 2009, mbështetja e publikut për të ishte 33 për qind. Por anketa më e fundit e opinionit e zhvilluar nga gazeta Washington Post dhe rrjeti televiziv ABC tregon se kjo mbështetje është rritur në 47 për qind, duke u dhënë përkrahësve të tij një farë shprese se imazhi i tij do të përmirësohet me kalimin e kohës.
     
    Edhe ish presidentët Harry Truman dhe Richard Nixon u larguan nga Shtëpia e Bardhë nën një mjegull politike. Zoti Truman nuk ishte popullor për shkak të luftës në Kore, ndërkohë që zoti Nixon u detyrua të jepte dorëheqjen për shkak të skandalit Watergate.
     
    Me kalimin e viteve, miratimi i publikut për zotin Truman u përmirësua, por kjo nuk ndodhi në rastin e ish presidentit Nixon. Historianët thonë se George W. Bushi shpreson që popullariteti i tij pas presidencës të pasojë modelin Truman.
     
    Historiani Richard Norton Smith thotë se shpesh ish presidentët bëhen më popullorë me kalimin e viteve, veçanërisht në epokën e informacionit modern. Zoti Smith thotë se kjo nuk ishte e vërtetë për shumë presidentë amerikanë në vitet e para pas krijimit të Shteteve të Bashkuara.

    “Aleksandër Hamiltoni në Letrat Federaliste shkruante mbi shqetësimin e tij se ish presidentët do të bëheshin si fantazma, që sillen rrotull dhe bezdisin pasardhësit e tyre, duke mos pasur asgjë tjetër për të bërë. Fakti është se në rreth 100 vjetët e parë pas krijimit të republikës, kjo ishte deri diku e vërtetë”.
     
    Në historinë moderne, ish presidentë si Herbert Hoover, Jimmy Carter dhe Bill Clinton ia kanë kushtuar jetën shërbimit publik. Zoti Hoover, për shembull, kryesoi përpjekjet për të luftuar urine në Evropë pas Luftës së Dytë Botërore. Bruce Buchanan thotë se disa prej presidentëve më pak të sukseshëm në detyrë kanë qenë në gjendje të përmirësojnë reputacionin e tyre me punën që kanë bërë pasi janë larguar nga Shtëpia e Bardhë.

    “Shumica e librave, që vazhdojnë të shkruhen rreth ish presidentit Carter nuk janë aspak positivë lidhur me presidencën e tij, por ai po shikohet gjithnjë e më shumë si ish presidenti më i mirë në historinë amerikane dhe kjo për arsye të punës së tij të madhe pas largimit nga Shtëpia e Bardhë”.
     

    Presidenti Barack Obama mori pjesë të enjten në përurimin e Bibliotekës Bush në Teksas dhe ka mundësi që t’i kenë kaluar në mëndje ide rreth së ardhmes së tij si ish president. Në bazë të kushtetutës amerikane, zoti Obama nuk lejohet të kandidojë për një mandat të tretë e prandaj do t’i bashkohet ‘klubit të ish presidentëve’ kur të përfundojë mandatin e tij të dytë në Shtëpinë e Bardhë në janar të vitit 2017.
    Ky forum është mbyllur
    Përzgjedhja e komenteve
    Komente
         
    nga: shqiptar
    06.05.2013 08:18
    Lavdi zotit ne historine e SHBA kane fryre gjithmone ererat e demokracise liberale. Asnjehere nuk jane ndjere ererat e te majtes apo te djathtes ekstreme si ne Evrope.
    Eshte kjo pikerisht arsyeja qe bota e sheh SHBA si nje tempull te demokracise.
    Evropa provoi diktatura kriminale naziste e komuniste.
    Nese per diktaturat naziste u ngriten gjyqe nderkombetare qe i denuan kriminelet e saj, shume pak eshte bere per te denuar krimet e regjimeve diktatoriale komuniste te zgjatura deri ne gjysem shekulli. Kjo mund te krijoje premisat per rrezikun e revanshit komunist, qe ne shqiptaret qe provuam diktaturen me te eger staliniste ne Evrope, po e ndjejme edhe pas 22 vitesh te shembjes se saj.
    Nje ere sado e lehte majtiste ne SHBA, do te inkurajonte revanshin komunist ne Shqiperi.


    nga: ahmeti nga: tirane/shqiperi
    03.05.2013 09:55
    Presidentet Bush(babe e bir) do kujtohen gjate ne historine boterore,si mbeshtetes se demokracise ne boten arabe e kudo.!
    Duke rrezikuar reputacionin e tyre perkohesisht,ata shkaterruan cerdhen e diktatorit Sadam Hysein-rrezik real per boten demokratike.Ndaj bota do ti kujtoje gjate per keta veprime ne interes te demokracise e lirise perjetesisht.
    Nga ana tjeter,jemi mirenjohes edhe per mbeshtetjen e shqiptareve ne Shqiperi-Kosove qe presidentet Bush(babe e bir) por edhe qe nga i pa harruari Georg Washington(me 50% gjak shqiptar) pastaj nga Presidenti Willson ne vitet e veshtira te Shqiperise 1919-1920, nga Presidenti Klinton,duke luftuar Milloshevicin-diktator i Ballkanit, e duke i sjelle lirine pas 100 vjetesh popullit shqiptar te Kosoves,Presidentit Bush duke e njoh Kosoven shtet i pavarur,duke pranuar Shqiperine ne Nato, etj. Ndaj edhe populli shqiptar i ka perjetuar ata me monumente e emra rrugesh ne sheshe te Shqiperise e Kosoves. Perjete mirenjohes atyre burrave te dale nga aia popull-kampion i demokrecise e lirise ne Bote..! Ing. Ahmeti


    nga: Ajet Delaj nga: New York
    30.04.2013 01:58
    Familja e madhe Bush eshte e nderuar dhe respektuar ne mendjet e zemrat e shqiptareve kudo jetojne ata. Suporti i Bushit Father per demokracine e re shqiptare dhe vendosja e vijes se kuqe per Milloshevicin ne Kosove nuk do harrohen lehte, dhe kete vije e shnderroj ne liri per Kosoven Presidenti Clinton
    Nese Bushi Father vendosi vijen e kuqe Xhorxh W. Bush ishte i pari presidet i botes qe e njohu Kosoven sapo ajo shpalli pamvarsine dhe shtroj rrugen e sigurte per ta pranuar Shqiperine ne NATO gje qe e filnalizoje Presidenti Obama.
    Per shqiptaret lavdi Zotit te tere Presidentet qe me Presidentin Willson kane bere dicka mdhore per kombin e vogel Shqiptar. Zoti e bekofte Ameriken e Presidentet e saje.


    nga: Agim nga: USA
    29.04.2013 00:41
    Kam pasur kenaqsine te kontribuoj monetarisht per ndertimin e kesai biblioteke.Presidentet Bush,I Vjetri dhe I BIri jane padyshim miq te vyer te shqiptarve qe ne keto 25 vjet kane dhene kontribut te vyer per demokracine,pavarsine dhe te drejtat kombetare ne trojet e banuara nga shqiptaret.Konsolidimi i demokracise ne Shqiperi dhe Pavarsia e Kosoves vec te tjerave do te mbajne firmen e Busheve.Nderime.


    nga: arberi nga: tirane
    28.04.2013 19:06
    Po.presidenti bush do mbahet mend per per lirine qe u solli popujve ne bote.Nje nderta lirine e kosoves dhe njekohesisht duke ndihmuar demokracine shqiptare te ozurpuar nga greket duke ju a dhene shqiptareve me 2005.Per ne demokratet shqiptare ti dhe familja jote zini vend ne piedestalin e lirise se kombit tone.Mireqenie,begati dhe pushtet paste familja bush,se me to fitojne liria dhe demokracia ne bote.


    nga: Xhelali nga: Ferizaj
    28.04.2013 18:25
    Etapa e administratës së presidentit Xhorxh W. Bush, ka qenë njëra ndër administratat që më së shumti ka kontribuar në përhapjen e lirisë, në zhvillimin e të drejtave të njeriut në botë. Presidenti Xhorxh W. Bush do të mbahet në mendje të gjatë për përkushtimin e tij në krijimin e vlerave demokratike, fuqizimin e tyre dhe koordinimin e të gjitha aktiviteteve shtetërore të brendshme dhe të jashtme në mënyrë që shumë popuj të jetojnë të lirë dhe në paqe.
    Unë, personalisht fotografinë e presidentit Bush dhe të disa personaliteve kombëtare, tash më i kam vendosur në albumet e mia të kujtimeve dhe fëmijëve të mij do t’u spjegoj për rëndësinë që ka pasë dhe do të ketë në të ardhmen miqësia jonë me Shtete e Bashkuara të Amerikës.
    Zoti i bekoftë SHBA-të, Zoti e bekoftë presidentin Xhorxh W. Bush.

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    05.02.2016
    Emisioni televiziv Ditari

    LAJME

    Assange flet pas vendimit të OKB-së

    Themeluesi i WikiLeaks tha se përfundimi i komisionit të OKB-së se ai po mbahet i ndaluar në mënyrë arbitrare, provon se ai kishte të drejtë
    Më tepër

    Votim për masa të debatueshme sigurie në Francë

    Ligjvënësit francezë filluan të analizojnë legjislacionin për të forcuar ligjet e sigurisë, përfshirë propozime të debatuara ashpër për të ndryshuar kushtetutën e vendit
    Më tepër

    Ligji për dekriminalizimin

    Në Shqipëri, parlamenti pritet të miratojë brenda muajit mars aktet nënligjore të cilat do të mundësojnë zbatimin e ligjit për dekriminalizimin të miratar dhjetorin e kaluar.
    Më tepër

    Kriza në Kosovë

    Presidentja Atifete Jahjaga pret të takojë të hënën udhëheqësit e partive politike për të diskutuar rrugët e zgjidhjes së krizës politike që vlerësohet si më e rënda që nga shpallja e pavarësisë së Kosovës
    Më tepër

    Takimi i dy udhëheqësve të rëndësishëm fetarë

    Papa Françesku, kreu i Kishës Katolike do të takohet me Patriarkun Kirill, kreu i Kishës Ortodokse Ruse, javën që vjen në takimin e parë mes udhëheqësve në historinë e dy kishave
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • An Indian student with his face painted as a tiger interacts with his classmates as he awaits for the judgement of a face painting competition at the Kids for Tigers Annual Tiger Fest in Mumbai.
    • Riot policemen try to avoid a petrol bomb thrown by protesters during a 24-hour nationwide general strike in Athens, Greece. Clashes broke out between police and youths throwing fire bombs and stones, as tens of thousands of people march through central Athens to protest planned pension reforms.
    • President Barack Obama, and University of Alabama football player and Heisman Trophy winner Derrick Henry strike a 'Heisman-pose' for a photo during the National Prayer Breakfast in Washington.
    • Divers wear costumes as they perform at an aquarium ahead of the upcoming Spring Festival inside a zoo in Beijing, China.
    • A monkey trainer touches the head of a sick monkey as it receives treatment in Wuhan, Hubei province, China.
    • Members from Sri Lankan military march during the 68th Independence day celebrations in Colombo.
    • People take photos of bodies of dead stranded sperm whales behind the dyke of Kaiser Wilhelm Koog at the North Sea coast, Germany.
    • Police patrol as revelers take part in the traditional "Weiberfastnacht" (Women's Carnival) celebration in Mainz, Germany.
    • A nominee for queen of the Carnival of Santa Cruz shows off her outfit on the main stage in Santa Cruz de Tenerife on the Spanish Canary island of Tenerife, Feb. 3, 2016.
    • A member of the Maasai Cricket Warriors bowls a ball during a charity cricket match against former Rugby players in Sydney, Australia.
    • Dancers of the Wiener Staatsballett (state ballet) perform during a dress rehearsal the day before the traditional Opera Ball in Vienna, Austria, Feb. 3, 2016.
    • South Korean senior students clad in traditional costumes sit and bow during a joint graduation and coming-of-age ceremony at Dongmyung Girls' High School in Seoul.

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.