BE, jo datë për bisedime Maqedonisë

Këshilli i Ministrave të Bashkimit Evropian nuk i dha datën Maqedonisë për fillimin e bisedimeve për anëtarësim, por megjithatë ka paralajmëruar se kjo mund të ndodhë pas një raporti të Komisionit Evropian që pritet të dalë në pranverë. Autoritetet në Shkup e kanë mirëpritur këtë dhe kanë njoftuar se do të angazhohen për reformat e kërkuara. Zyrtarë në Bruksel, ndërkohë kanë komentuar se Maqedonisë i është dhënë kohë shtesë për realizimin e reformave.