E shtunë, 04 korrik, 2015

Lajme / SHBA

Filmi Besa përsëri në zonën e Uashingtonit

x
Ilir Ikonomi
Një film me titullin “Besa” që flet për shpëtimin e hebrejve nga shqiptarët gjatë Luftë së Dytë Botërore, u prit me emocione në Festivalin e Filmit Hebraik që po zhvillohet këto ditë në zonën e Uashingtonit. Filmi me regjisore Rachel Goslin, flet mes të tjerash, për historinë e një shqiptari mysliman, të cilit i duhet të përmbushë premtimin ndaj një familjeje hebraike. Kjo është familja, që i ati e tij e ka strehuar gjatë luftës. Kolegu ynë Ilir Ikonomi na sjell këtë kronikë.

 
Në një qendër të komunitetit hebre në Rockville pranë Uashingtonit, Festivali i Filmit Hebraik në bashkëpunim me organizatën ASHA, Akademia Shqiptaro-Amerikane, shfaqi dokumentarin Besa, që flet për një histori jo shumë të njohur në botë: shpëtimin e hebrejve nga shqiptarët gjatë Luftës.
 
Producenti i filmit, Jason Williams thotë se e shtyu një arsye e fortë për t’u marrë me këtë dokumentar: 
 
“Filmi u bë sepse kjo është ndër ato historitë e jashtëzakonshme të cilën e di çdo shqiptar, por pjesa tjetër e botës nuk e ka dëgjuar kurrë. Është një ndër ato histori që duhet treguar, aq më tepër që është një histori e cila po harrohet.”
 
Johanna Newmann ishte fare e vogël kur familja e saj mori vizë nga ambasada e Mbretit Zog në Berlin për të ardhur në Shqipëri. Familja mendonte se do të mund të udhëtonte nga Shqipëria për në Amerikë, por më 7 prill 1939 vendi u pushtua dhe ata u bllokuan në Durrës.
 
Johanna tregon në film se si familja u mbrojt nga shqiptarët. Por kur vendi u pushtua nga Gjermania, gjendja për hebrejtë në Shqipëri u bë jashtëzakonisht e rrezikshme.
 
“Fakti është se jo vetëm populli shqiptar me bujari dhe trimëri shpëtoi hebrej gjatë luftës, por qeveria e tyre e asaj kohe bashkëpunoi me këta individë, që hebrejtë të mos kishin frikë se mund t’i dorëzonin tek gjermanët kur këta kishin pushtuar Shqipërinë. Pikërisht ky bashkëpunim bëri të mundur që të gjithë ne të shpëtoheshim në Shqipëri.”
 
Gilbert Galanxhi, ambasador i Shqipërisë në SHBA thotë se është hera e dytë që filmi shfaqet në zonën e Uashingtonit.
 
“Me kënaqësi vë re se akoma ka etje për ta parë filmin. Me kënaqësi vë re që një nga protagonistet kryesore të filmit, zonja Johanna Newmann është kaq aktive dhe kaq e pakursyer për të treguar historinë e shqiptarëve, një histori e vërtetë që vlen të tregohet, jo vetëm për atë që ka ndodhur vite e vite më parë por më tepër për t’u treguar brezave që vijnë se si mund të jetohet në harmoni, pavarësisht dallimeve fetare apo racore.”
 
Askush nuk u shpëton dot emocioneve pas shfaqjes. Geraldine Popa – Schechter është shqiptaro-amerikane, që i çmon shumë cilësitë e popullit shqiptar.
 
“Nuk mund t’jua shpreh dot se si ndihem. Sepse jo një apo dy por të gjithë shqiptarët vepruan ashtu. Ka shumë rëndësi që njerëzit ta dinë këtë. Unë jam shumë e afërt me njerëzit e mi, me fisin tim në Shqipëri. Prandaj, kur dëgjoj se sa bujarisht u sollën këta njerëz, kjo ka një kuptim të madh për mua dhe për bashkëshortin tim, i cili nuk është shqiptar. Dëshiroj që edhe fëmijët e mi ta shohin këtë film.”
 
Bledar Prifti është president i organizatës ASHA.
 
“Njëri nga misionet që ka Akademia Shqiptaro-Amerikane është pasurimi i jetës kulturore dhe mbajtja e traditave dhe e gjuhës shqipe këtu në Shtetet e Bashkuara. Ne do të dëshironim që kjo histori kaq humane të kishte një prezantim edhe këtu në SHBA, prandaj Bordi i Akademisë Shqiptaro-Amerikane në bashkëpunim me kompaninë prodhuese të filmit ka sponsorizuar sot këtë aktivitet, me shpresën që ajo pjesë e historisë së shqiptarëve të bëhet e njohur sa më mirë edhe këtu.”

Genta Arovas: “Mu bë qejfi. Unë jam e shoqëruar me disa miq amerikanë që janë me origjinë hebraike dhe i solla të tërë në film. U la mbresa shumë të mira dhe është një nga filmat e paktë që nxjerr karakterin e vërtetë të shqiptarëve. Në botë Besa nuk është e njohur shumë, por është cilësi shumë e mirë e karakterit.”
 
Një nga protagonistët e filmit është Rifat Hoxha, i cili është i vendosur të shkojë në Izrael për t’i dorëzuar tre libra familjes hebraike që i ati i tij strehoi gjatë luftës.

Lirim Mezini: “Veçanërisht zoti Rexhep. E kam njohur dikur, por nuk e dija që ishte kaq këmbëngulës. Ai është shqiptar dhe shqiptarët janë këmbëngulës në mbajtjen e besës. Por Rexhepi dallon nga ata, tani që e pamë edhe në film.”
 
Artur Elezi, Profesor i Asociuar, Universiteti Amerikan: “Është mjaft për t’u admiruar dhe mendoj se edhe në këto kohëra ne duhet t’i kthejmë sytë mbrapa dhe të shikojmë anët e mira të kombit tonë, siç riafirmohen edhe në këtë film.”
 
Sipas statistikave, Shqipëria është vendi i vetëm në Evropë që pati një numër më të madh hebrejsh në mbarim të luftës se sa në fillim të saj, një histori pozitive që shumë njerëz mendojnë se vlen të bëhet më e njohur.
 

 

Ky forum është mbyllur
Përzgjedhja e komenteve
Komente
     
nga: Vasel Malaj nga: SHBA
09.01.2013 16:25
SHqiptaret paten tradita te shkelqyera. Me gjithe se me nje shumice Muslimane SHqiptaret i lidhte me shume se çdo gje Besa, Nderi e karakteri i Larte. Besa dhe humanizmi,e shpirti bujar i Shqiptareve beri qe Hebrejte te ndihmoheshin dhe te strehoheshin nga SHqiptaret. Komunistet Shqitare qe perqafuan Iden me terroriste te njezimit u munduan me te gjitha mjete shtypese e terrorin komuniste te shkaterronin keto virtyte te mrekullueshme qe shqiptaret trasheguan e kultivuan ne shekuj, duke nxjerre gjoja "NJERIUN E RI " vepren me shkatrrimtare te shoqerise shqiptare te xhveshur nga çdo Karakter dhe virtyt njerezore si vepren me te shkelqyer te PPSH. Komunistet dhe MAfia e tyre edhe sot e kesaj Dite me tere propaganden e tyre kerkojne qe vertytet e dhe traditat e shkelqyera qe popullit SHqiptare i trashegoi ne shekuj, ti vene ne sherbime te tyre e qe dihet boterisht , se komunistet ishin shkaterruesit e gjithe ç'kase se bukur qe Shqiptaret trasheguan ne shekuj per ti zevendsuar me iden Kanibalo-Sllavo-Komuniste.Habrejte nuk kane asnje gje te perbashket me Kanibalo-Komunistet SHqiptare perveç se me Populin Shqiptare qe i strehoi dhe i shpetoje . Rrofte Populli Bujar SHqiptare! Poshte Komunizmi dhe Mafia e tyre!!


nga: Anonim
09.01.2013 09:51
Shpetimi i hebrenjeve gjate luftes dyte boterore nga shqipetaret eshte nje histori qe nuk do te harohet ne jete te jeteve nga te gjithe popujt e botes,kur Hitleri gjate luftes shfarosi rreth 6 milion hebrenj dhe vendet Evropiane nuk ishin dashamires karshi hebrenjeve si Spanja,Rumania,Bullgaria ,Rusia dhe Greqia.shqipetaret jo vehtem i strehuan por i mbajten si pjestare te familjes ishte nje ligj i pashkruar mos e vra e hebrenjte sepse ke fatkeqesi ne familje brez pas brezi dhe hebrenjte levizni neper shqiperi me hebet me flori ,ku ne filmin Besa vihet se muslimanet shqipetare i mbajten Hebrenjte.bota ta dije mbare se ne shqipetaret jemi konvertuar nga krishtere ne muslimane nga Perendoria Osmane dhe mbahemi si komb vehtem nga fjala shqipetar kjo na bashkon sepse jemi shqipetare..heberenjte kane nje kalvar vuajtjesh po ashtu dhe shqipetaret jane popuj intelegjente,vitale dhe bota perfiton shume .lideret e tyre kane aftesi te drejtojne kombe te medha,Presidenti Obama me zgjedhjen e XHon Kerrit ne vend te zonjes Hillari Klinton dhe te Xhon Brenan ne vend David Petraus te ndihmojne kombin hebre dhe ate shqipetar kjo eshte ardhmja e botes,,jane kombe te vjetra ..

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
03.07.2015
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

LAJME

Ekzekutohen dy turistë cekë

Qëllohen me armë në rrugën që lidh Shkodrën me Thethin. Automjeti me trupat e vrarë gjendet në një greminë
Më tepër

Nigeri, Boko Haram ekzekuton 11 dezertorë

Një banor u tha gazetarëve me telefon se në agim, 11 persona u gjetën të masakruar në një vend faljesh për Bajramin
Më tepër

Ligjvënësi Eliot Engel viziton Maqedoninë

Ligjvënësi Engel tha se shpreson që të gjendet shpejt një zgjidhje e krizës, sepse çdo vonesë do të vështirësonte ballafaqimin me problemet reale
Më tepër

Debati për rivotimin e Gjykatës së Posaçme

Analistët thonë se institucionet kanë treguar mungesë të madhe përgjegjësie dhe sugjerojnë që rivotimi i mundshëm të përgatitet me kujdes, pasi një dështim i ri do të prodhonte pasoja të rënda për Kosovën
Më tepër

Takim Kerry-Zarif në Vjenë

Zoti Kerry tha se negociatorët kanë shumë punë për të bërë dhe se ekzistojnë disa çështje të vështira për arritjen e marrëveshjes përfundimtare
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • A street seller teaches a boy how to make soap bubbles, on Piazza del Popolo, a touristic square in central Rome, Italy, at sunset on July 2, 2015.
  • Yozhik, a male Himalayan bear, sits while an employee cools him with a stream of water at the Royev Ruchey zoo on the suburbs of the Siberian city of Krasnoyarsk, Russia.
  • Indian Muslims offer prayers after breaking their fast during the holy month of Ramadan at Jamai Masjid in Hyderabad.
  • A crying elderly man is assisted by an employee and a policeman outside a national bank branch as pensioners queue to get their pensions, with a limit of 120 euros, in Thessaloniki, Greece.
  • People are reflected on a building as they take part in a pro-EU demonstration in Iraklio on the island of Crete, Greece, July 2, 2015.
  • Patrons make their way in the rain to the 18th hole during the second round of the Greenbrier Classic at the Old White TPC in White Sulphur Springs, West Virginia.
  • A girl plays under the waterfall at the fun bath in Endenich, a suburb of Bonn, western Germany.
  • Britain's Camilla, Duchess of Cornwall, speaks with Imogen Davis, owner of Rufus the hawk, during her visit to the Wimbledon Tennis Championships in London, July 2, 2015.
  • An image made available by propaganda Islamist media outlet Welayat Halab on July 2, 2015 allegedly shows an Islamic State (IS) group fighter destroying ancient artifacts smuggled from the Syrian city of Palmyra, a 2,000-year-old metropolis and an Unesco world heritage site.
  • Team Sky with Britain's Christopher Froome trains on their time-trial bicycles near Utrecht, Netherlands, one day ahead of the start of the three-week-long Tour de France.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.