Lidhje

Senat: Kandidatura Chuck Hagel në votë


Senati amerikan pritet të konfirmojë së shpejti Chuck Hagel si sekretarin e ardhshëm të mbrojtjes.

Senati votoi sot paradite për t’i dhënë fund debatit për kandiaturën e ish-senatorit, duke hapur rrugën për konfirmimin e tij më vonë sot nga senati i kontrolluar nga demokratët.

Republikanët e shtynë votimin gati dy javë më pare, duke ngritur ankesa rreth pikëpamjeve të kolegut të tyre për Lindjen e Mesme, si dhe madhësinë e arsenalit bërthamor të Amerikës.

Republikanët e akuzuan zotin Hagel se ka qënë shumë i butë ndaj Iranit dhe shumë kritik ndaj Izraelit. Gjatë seancës dëgjimore për konfirmimin e tij para Komisionit të senatit për Forcat e Armatosura, senatori John McCain kritikoi pikëpamjet e zotit Hagel për shtimin e trupave amerikane në Irak në vitin 2007.

Megjithë kritikat e vazhdueshme, republikanët në senat lanë të kuptohej dje në mbrëmje se nuk do ta bllokojnë votimin për kanditaturën e zotit Hagel.
XS
SM
MD
LG