E shtunë, 13 shkurt, 2016

    Lajme

    Festivali i Dritave në Helsinki

    Festivali finlandez ofron skena të bukura me drita gjatë ditëve më të errëta të vitit

    x
    Festivali i Dritave në Helsinki ofron skena të bukura me drita gjatë ditëve më të errëta të vitit. Ditët gjatë dimrit në Finlandë ditët janë të shkurtra dhe dielli ndriçon vetëm disa orë. Këtë vit shumë artistë finlandezë dhe ndërkombëtarë kanë paraqitur punimet e tyre në festival. Festivali u mbyll më 8 janar.

    Katedralja e Bardhë e Helsinkit shkëlqen në errësirën e dimrit. Festivali i Dritave ndriçon pjesën më të errët të vitit me drita të lloj-llojshme.

    Gjatë festivalit Katedralja e Bardhë në Sheshin e Senatit në Helsinki shndërrohet në një skenë madhështore dritash.

    Këtë skenë madhështore e kanë krijuar dy dizenjatorë gjermanë. Në murin e bardhë të katedrales përmes pamjeve filmike nga tre vende pasqyrohen imazhe të bukura të qiellit dhe detit.

    Njerëzit shikojnë dhe dëgjojnë përplasjen e valëve të detit në murin e kishës që shoqërohen me theksimin e ngjyrave të larmishme dhe lëvizjen e krijesave të ndryshme.
    Ngjyra e verdhë e ndezur është një pamje e pazakontë në mes të dimrit, kur kryeqyteti finlandez përjeton vetëm disa orë me diell në ditë gjatë muajve më të errët të vitit.

    Llambat ngjyrë portokalli janë pjesë e festivalit të përvitshëm, i cili feston dritën gjatë errësirës së janarit përmes instalimit dhe aktivizimit të llambave të ndryshme.

    Artisitja 27 vjeçare Jeni Kaarianien ka krijuar Diellin e Natriumit, një nga instalimet më të spikatura të festivalit këtë vit, në të cilin prezantohen punimet e shumë artistëve finlandezë dhe atyre ndërkombëtarë.

    “Në vendin tonë kemi stinë të ndryshme. Pra, netët janë shumë të errëta dhe ditët janë me dritë të fortë. Prandaj ka një kontrast të madh në stinët e ndryshme të vitit dhe ndryshimi i dritës është i theksuar”.

    Punimet e Jenni Kaarianen janë në mesin e shumë punimeve të artistëve tjerë të përfqësuar në Sheshin Kansalaistori në Helsinki.

    Edhe puna e artistit nga Hong-Kongu, Twinsen Ho, i cili ka krijuar një kopsht përrallor që trajton tema të folklorit finlandez pëlqehet shumë nga adhuruesit e festivalit.

    Edhe punimet interaktive të artistit nga Londra Dan Shorten kanë zgjuar interesimin e shumë vizitorëve. Instalimet e tij të quajtura Reveal ose “Zbulesa”, janë punime arti teknologjikisht më të përparuara.

    Përmes ndjesorëve ky punim krijon një video hartë interaktive e cila kombinon lëvizjet e audiencës me imazhet e projektuara në mur, thotë 33 vjeçari Shorten, i cili është mësues në Shkollën e Muzikës dhe Dramës Guildhall në Londër.

    “Ky punim është një video hartë me ndjesorë që ndjekin lëvizjet. Kemi shfrytëzuar një pjesë të murit rreth 20 metra të gjërë dhe 6 metra të lartë dhe kemi projektuar një imazh tjetër mbi të njëjtin mur. Pra, kjo funksionon si një maskë, në atë mënyrë që, lëvizjet e audiencës dhe veprimet e tyre heqin disa pjesë të maskës dhe zbulojnë pjesë të video imazheve të fshehura interaktive”.

    Festivali i Dritave në Helsinki shfrytëzon disa nga ndërtesat më të bukura të qytetit muret e të cilave përdoren nga artistët.

    Stadiumi Olimpik, i ndërtuar për lojrat verore të vitit 1952, është i ndriçuar me ngjyrat e ylberit.
    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    12.02.2016
    Emisioni televiziv Ditari

    LAJME

    Maqedoni: Prokurorja Speciale nis hetime

    Hetimet në procesin e quajtur “Titanik”, përfshijnë ministra, gjykatës, noterë dhe zyrtarë të lartë të dyshuar për mashtrim zgjedhor
    Më tepër

    Qëndrimi ulur dhe tkurrja e trurit

    Një studim i ri zbulon se qëndrimi ulur në kolltuk duke parë televizor, në vend të ushtrimeve fizike, mund të shkaktojë tkurrjen e trurit tek të moshuarit.
    Më tepër

    USAID dhe fermerët në Malësi të Madhe

    Malësia e Madhe është zona ku grumbullohet sasia më e madhe e bimëve mjeksore, që eksportohen në SHBA.
    Më tepër

    BE, ultimatum Greqisë për kontrollin kufitar

    BE i dha Greqisë tre muaj afat të ndreqë problemet, përndryshe do të përballet me pezullim të antarësimit në Zonën e Shengenit për lëvizjen pa viza
    Më tepër

    Obama dhe fushata presidenciale

    Presidenti amerikan që mori pjesë në disa aktivitete politike për mbledhje fondesh për Partinë Demokrate në Kaliforni, tha se vendi është në një moment të rëndësishëm politik
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.