Një grup që monitoron konfliktin në Siri thotë se sulmet ajrore të qeverisë kanë lënë të paktën 37 civilë të vrarë në një rajon të kontrolluar nga luftëtarët e Shtetit Islamik.
Vëzhguesi Sirian për të Drejtat e Njeriut thotë se mes viktimave të sulmit në Al-Bab dhe në qytetin pranë Qabaseen, janë 7 fëmijë dhe dy gra.
Ky rajon, në verilindje të Aleppos, është nën kontrollin e ekstremitëve të Shtetit Islamik dhe ka qenë objekt i bombardimeve të vazhdueshme nga qeveria siriane.
Fushata ajrore nën drejtimin e Shteteve të Bashkuara synon t’i dëbojë rebelët nga zonat nën kontrollin e tyre në Siri dhe në Irakun verior.
Në fillim të javës, militantët e Shtetit Islamik kapën një pilot jordanez, avioni i koalicionit të cilin ai po e drejtonte, u rrëzua pranë qytetit sirian Raqqa.
Ushtria amerikane dhe ajo jordaneze kanë pranuar se avioni u rrëzua, por kanë kundërshtuar thëniet se atë e rrëzuan.