Krerët e shteteve të Afrikës qendrore po përpiqen të zgjidhin krizën në Republikën Demokratike të Kongos. Ata u bënë thirrje kryengritësve të ndalin të gjitha veprimtaritë luftarake dhe të tërhiqen nga qyteti Goma, të cilin e morën nën kontroll këtë javë.
Deklarata u bën gjithashtu thirrje forcave kryengritëse të ndalin retorikën për rrëzimin e qeverisë.
Presidentë të Ugandës, Kenias, Tanzanisë dhe Republikës Demokratike të Kongos janë mbledhur në Kampala të Ugandës, por mungon në takim Presidenti i Ruandës Paul Kagane, i cili ka dërguar ministrin e tij të jashtëm. Mungesa e tij në takim ka tërhequr vëmendje të konsiderueshme pasi Ruanda akuzohet se po mbështet kryengritësit në Republikën Demokratike të Kongos.
Takimi i Kampalës zhvillohet ndërkohë që kryengritësit kanë siguruar fitore të rëndësishme dhe kur ushtria kongoloze është përfshirë nga ndryshime të postet e larta drejtuese.