Në Kosovë, partitë politike nuk kanë ndryshuar qëndrimet e tyre rreth ndërtimit të institucioneve në bazë të zgjedhjeve parlamentare të tetë qershorit. Ndonëse të enjten pritet të mbahet seanca e parlamentit që do të duhej të zgjidhte kryetarin, nuk pritet që një gjë e tillë të ndodhë, gjë që mund të thellojë ngërçin politik. Tashmë edhe zyrtarë ndërkombëtarë kanë filluar të përmendin zgjedhjet e reja si zgjidhje të mundshme për situatën në Kosovë.