Në Kosovë, autoritetet bënë të ditur se në komunën e Prishtinës janë duke u trajtuar 16 persona për pjesëmarrje në luftërat e huaja, prej të cilëve 7 dyshohen që tashmë janë vrarë.
Këto komente u bënë gjatë një tryezë për parandalimin e radikalizmit dhe ekstremizmit të dhunshëm si në nivel lokal dhe atë qendror. Aktualisht numri i qytetarëve të Kosovës të përfshirë përkrah organizatave terroriste llogaritet të jetë rreth 60 persona, ndërsa vetëm gjatë vitit të kaluar janë ndalur më shumë se 20 persona që kanë tentuar të bashkohen me këto grupe.
