Në Kosovë, përfaqësues të familjarëve të personave të zhdukur thonë se fati i personave të pagjetur mund të zgjidhet në nivelin politik, ndërsa bëjnë thirrje që kjo çështje të kushtëzohet edhe në bisedimet që po zhvillohen ndërmjet Kosovës e Serbisë në Bruksel. Shtatëmbëdhjetë vjet pas luftës në Kosovë, vazhdon të mbetet i paqartë fati i 1 mijë e 665 personave, pjesa më e madhe e të cilëve shqiptarë të Kosovës.