Përkujtohet Ibrahim Rugova
Kosova po shënon përvjetorin e shtatë të vdekjes së presidentit të saj, Ibrahim Rugova.
Në Kosovë, me veprimtari të shumta po shënohet përvjetori i shtatë vdekjes së presidentit Ibrahim Rugova.
Përfaqësues të institucioneve dhe partive politike bënë nderime tek varri i presidentit Rugova dhe në Akademi të veçanta përkujtimore i bënë jehonë emrit dhe veprës së tij si udhëheqës politik i shqiptarëve të Kosovës, që nga vitit 1989 e deri në vdekjen e tij më 21 janar të vitit 2006
Shtatë vjet më parë, më 21 janar të vitit 2006, presidenti i parë i Kosovës, Ibrahim Rugova, ndërroi jetë, pas një beteje me kancerin në mushkëri.
I doktoruar në fushën e letërsisë, Dr. Ibrahim Rugova, ishte presidenti i parë i Kosovës dhe udhëheqësi 16 vjeçar i Lidhjes Demokratike të Kosovës.