Një shpërthim ka ndodhur në orët e mëngjesit në veriun e Mitrovicës të banuar me shumicë serbe. Policia tha se shpërthimi që kaloi pa dëme ne njerëz, la pas vetes dëme materiale në 9 makina private dhe 11 lokale afariste përreth.
Policia që po kryen hetimet, beson se bëhet fjalë për një bombë dore, ndërsa ende nuk dihet asgjë për rrethanat apo motivet e mundshme të shpërthimit, të cilin ajo është duke e trajtuar si “shkaktim të rrezikut të përgjithshëm”.
Veriu i Mitrovicës shpesh ka qenë skenë e tensioneve dhe incidenteve të dhunshme.