E shtunë, 25 prill, 2015

Lajme / Ballkani

Përfundon takimi Thaçi – Daçiç

Të dy kryeministrat do të takohen sërish më 4 mars në Bruksel

x
Kryeministrat e Kosovës dhe Serbisë, Hashim Thaçi e Ivica Daçiç përfunduan raundin e pestë të bisedimeve për normalizimin e marrëdhënieve ndërmjet tyre. 

Ndërmjetësuesja e bisedimeve, shefja e politikës së jashtme të Bashkimit Evropian, Catherine Ashton në një deklaratë për opinion tha se “të dy kryeministrat janë kthyer në kryeqytetet e tyre për këshillime dhe do të kthehen në Bruksel më 4 mars për diskutime të mëtejshme.

Kryeministrat janë të kënaqur më përparimin e dukeshim që kanë arritur sikundër edhe unë”, thuhet në deklaratën e shkurtër të zonjës Ashton.
Por ajo nuk ka dhënë më shumë hollësi se për çfarë përparimi bëhet fjalë.


****
Kryeministrat e Kosovës dhe Serbisë, Hashim Thaçi dhe Ivica Daçiç, pritet të vazhdojnë sot bisedimet e filluara të martën me ndërmjetësimin e shefes së politikës së jashtme të Bashkimit Evropian, Catherine Ashton. Të dyja vendet janë përfshirë në një proces bisedimesh për normalizimin e marrëdhënieve  ndërmjet tyre që është kusht për integrimet evropiane.
 
Për rreth tre orë, dy kryeministrat kanë debatuar çështjen e strukturave të mbështetura nga Beogradi në veriun e Kosovës, të banuar me shumicë serbe, ku nuk njihen dhe nuk pranohen institucionet e Prishtinës.
 
Nuk është thënë nëse ka pasur ndonjë përafrim qëndrimesh ndërmjet palëve, por gjatë mbrëmjes kanë vazhduar këshillimet e të gjitha palëve, përfshirë edhe angazhimin e zëvendës ndihmës sekretarit amerikan të shtetit Philip Reeker i cili po qëndron në Bruksel në mbështetje të procesit të bisedimeve.
 
Zoti Reeker është takuar ndarazi me të dy kryeministrat dhe një zyrtar i departamentit të shtetit tha se ai do tu transmetojë të dyja delegacioneve rëndësinë e punës së përbashkët konstruktive në agjendën e përcaktuar nga zonja Ashton. Shtetet e Bashkuara tha ai, do të vazhdojnë të mbeten tërësisht të angazhuara me qeveritë e tyre dhe me Bashkimin Evropian në përpjekjet për normalizimin e marrëdhënieve ndërmjet dyja vendeve.
 
Para takimit të së martës, kryeministri Thaçi tha se qëllim i këtyre bisedimeve nuk është që Kosova dhe Serbia të mundin njëra-tjetrën, por të lëvizin përpara, drejt integrimeve evropiane dhe euro-atlantike.
 
Kryeministri Thaçi tha se “në këto bisedime të paraqesë qëndrimin e Prishtinës për shtrirjen e autoritetit të shtetit të Kosovës në veri dhe shpërbërjen e strukturave të paligjshme të Serbisë në zonë”.
 
Beogradi ndërkaq ka ritheksuar synimin për një shkallë të autonomisë për komunat me shumicë serbe në veri. Kryeministri serb Ivica Dacic ka shprehur gatishmërinë që të diskutohet çështja e strukturave paralele por jo shuarja e tyre, ndërsa presidenti serb Tomislav Nikoliç ka deklaruar se strukturat aktuale mund të shuhen për të krijuar hapësirë që të ngrihen strukturat e reja që do të drejtoheshin nga serbet.
 
Përfaqësuesit e serbëve në veri thonë ndërkaq se nuk do të lejojnë shuarjen e institucioneve serbe në zonë dhe kanë përsëritur kërkesën për anulimin marrëveshjeve të arritura në bisedimet Kosovës Serbi, përderisa të mos flitet për çështjen e statusit të Kosovës, që sipas tyre mbetet ende i pazgjidhur.
 
Dita e sotme, mund të sjellë ndonjë marrëveshje fillestare, ndërsa ndërmjetësuesja Ashton synon që deri në gjysmën e muajit prill të sigurojë një marrëveshje kuadër për veriun e Kosovës.
 
Më 22 prill ajo duhet të raportojë para këshillit të ministrave të Bashkimit Evropian për rezultatet e bisedimeve, nga përfundimi i të cilave varet rrugëtimi i të dyja vendeve drejt strukturave evropiane.

BE: Bisedimet – thelbësore për rrugën evropiane

Hashim Thaci dhe Herman van RompuyHashim Thaci dhe Herman van Rompuy
x
Hashim Thaci dhe Herman van Rompuy
Hashim Thaci dhe Herman van Rompuy

Zyrtarë të lartë të Bashkimit Evropian thanë se përparimi në bisedimet ndërmjet Kosovës dhe Serbisë, është më rëndësi thelbësore për integrimet evropiane të të dyja vendeve.

Ata i bënë këto komente në prag të fillimit të raundit të ri të bisedimeve ndërmjet kryeministrave të Kosovës dhe Serbisë.

Kryetari i Këshillit Evropian Herman van Rompuy, tha sot pas një takimi me kryeministrin e Kosovës, Hashim Thaçi se Kosova duhet të përmbushë kriteret afatshkurtra, në lidhje me sundimin e ligjit, tregtinë, administratën publike dhe mbrojtjen e pakicave kombëtare, si kusht për të përparuar në procesin evropian, ndërsa ka vënë theksin tek rëndësia e takimit të sotëm të dy kryeministrave.

Rezultatet konkrete në bisedime janë thelbësore për përparimin në rrugën evropiane, edhe për Kosovën, edhe për Serbinë”, tha zoti van Rompuy.

Ndërsa kryetari i Komisionit Evropian, Jose Manuel Barroso, tha pas takimit me kryeministrin e Kosovës Hashim Thaçi, se ky vit është vit shumë i rëndësishëm për procesin e integrimit të Kosovës në BE, ndërsa kjo është java kur priten rezultate konkrete në bisedimet ndërmjet Kosovës dhe Serbisë.

Kosova shpalli pavarësinë e saj më 17 shkurt të vitit 2008 në bazë të planit të krye negociatorit të Kombeve të Bashkuara Martti Ahtisaari. Deri tash ajo është njohur nga afro 100 vende të botës.

Pavarësia e saj vazhdon të kundërshtohet nga Serbia, e cila është pajtuar të angazhohet në bisedime për normalizimin e marrëdhënieve me Kosovën, meqë kjo është kusht për rrugëtimin e saj drejt integrimeve evropiane.

Diplomatët i kanë kërkuar Serbisë që të shpërbëjë strukturat e saj të sigurisë në veriun e Kosovës si kusht që të marrë datën për fillimin e negociatave për anëtarësim në Bashkimin Evropian.
Hashim Thaci dhe Jose Manuel BarrosoHashim Thaci dhe Jose Manuel Barroso
x
Hashim Thaci dhe Jose Manuel Barroso
Hashim Thaci dhe Jose Manuel Barroso

Kryetari i Komisionit Evropian Jose Manuel Barroso tha sot se nëse Kosova i përmbush kushtet e caktuara në Studimin e Fizibilitetit të Komisionit Evropian, mund të presë në muajin qershor edhe lëvizjen drejt Marrëveshjes së Stabilizim-Asociimit.

Ai i bëri thirrje Prishtinës që të bëjë më shumë edhe në zbatimin e kritereve të përcaktuara për përfshirjen e Kosovës ne procesin e liberalizimit të vizave.
Kryeministri Thaçi tha se Kosova do të punojë në përmbushjen e kritereve dhe detyrimeve që ka marrë nga Bashkimi Evropian.

Tani nuk kemi kohë për të humbur. Brukseli nuk duhet vonuar. Qytetarët e Kosovës  janë duke pritur me padurim që të lëvizin drejt proceseve integruese, në veçanti në procesin e lëvizjes së lirë, që tani është më tepër si pengesë politike sesa teknike, por Kosova do të punojë që t’i kryej obligimet dhe do t’i zbatojë të gjitha kriteret demokratike në kohë rekorde”, tha kryeministri Thaçi.
Ky forum është mbyllur
Përzgjedhja e komenteve
Komente
     
nga: Musa Alihajdaraj nga: Gjermanija
20.02.2013 14:36
Thaqi duhet kerkuar njohjen e Repulikes se Kosoves nga Bashkim Europjan.Shurjen e struktuarave paralele te serbis ne Kosove eliminimin e barrikadave te serbve ne rruget e Kosoves.Te kerkoj qe te rrespektohet kushtetuta e Kosoves edhe ne veri te Repulikes te shtrihet autoriteti i Repulikes se Kosoves dhe te vendoset rendi dhe ligji.Te drejtat e pakicave serbe ne Kosove duhet te garantohen me te drejtat nderkobtare te pakicave ne Europe.Ose te behet harmonizimi i te drejtave te pakices shqipetare ne Serbi me te drejtat e pakices serbe ne Kosove.Rregulla te arta.Dialogu nuk ka substanc te vazhdoj deri sa Bashkimi Europjan nuk e njeh Repuliken e Kosoves deri sa Serbija nuk e njeh Repuliken e Kosoves dhe kjo asht broblem i Serbis se kur Serbija do te vendos ta njoh Repuliken e Kosoves.Bashkimi Europjan ka ber nji skandal politik dhe diplomatik ka thyer flalen dhe ka shkelur marveshjen e Lisbones ku thuhet qarte se do te kete levizje te lir edhe per Kosoven.Bashkimi Europjan me politiken e tij te gabuar kunder shtetit me te ri ne Europe deshmon nji moral politik te dobet jo serioz qe humbe besimin te qytetaret e Europes dhe tregon pa afesi te Bashkimit Europjan qe do humbe luften politike dhe diplomatike kunder Rusis dhe Europes Jugore.Keto tregon se nuk ka unitet nuk ka politik serioze dhe perqarjen mbreda Bashkimit Europjan nga disa shtete problematike te cilat nuk kan stadarte europjane dhe jane ber gabime katastrofale per te sotmen dhe te ardhmen e Bashkimit Europjan.Bashkimi Europjan nuk ka nzjerr mesime nga gabimit ne te kaleren dhe tani ben gabime edhe me serioze me nji politik jo seroze qe thirret zynizem.Bashkimi Europjan nuk deshiron te shoh shqipetaret te bashkuar ne nji shtet dhe ka nji politik jo seroze kunder shqipetareve dhe po shperblen Serbin .Kjo politik thiret zynizem.Thaqi duhet ta di se nuk ka kushte per bisedime me Serbin deri sa Serbija ta njoh Kosoven dhe kjo asht problem i Serbis.Repulika e Kosoves lindi nga flaka e Lutes dhe nuk asht nji dhurat qe mundet ti faletas Ashton as Serbis.Oes gjaku duhet te derdhet.


nga: Xhevahir Gradica nga: Durres
19.02.2013 22:22
Brukseli ka shume pune te tjera te rendesishme. Sot nuk ka asnje justifikim per te lene jashte BE Shqiperine dhe Kosoven. Me shume se 2/3 e shqiptareve jetojne ne emigrim. Per ke po mban Evropa dyert e mbyllura? Per 2 milion shqiptare qe kane mbetur ne Kosove e Shqiperi? Perse? Nuk ka arsye te forta. Kemi 20 vite qe presim te integrohemi. Evropa vetem premton dhe here pas here nxjerr kleçka. Ata qe nuk plotesojne standartet, qeveritaret dhe deputetet, kane pasaporta dhe levizin lirshem ne Evrope. Populli qe do dhe respekton ligjet nuk lejohet te qarkulloje i lire ne Evrope. Ky eshte paradosk.


nga: Musa Alihajdaraj nga: Gjermanija
19.02.2013 21:23
Ashton dhe Bashkimi Europjan kan nji politik jo serioze te gabuar pa moral politik kunder Kosoves shtetit me te ri ne Europe.Ashton dhe Bashkimi Europjan nuk deshirojn te flasin per Kosoven me shqipetaret e Kosoves por me Serbin dhe Bashkimi Europjan njeh Kosoven si Serbi dhe popullin e Kosoves si popull serbe.Bisedimet behen me Serbin dhe provincen e saj Kosoven.Kosova ne keto bisedime nuk asht shtet.Thaqi po genjen popullin e Kosoves se bisedimet jan per permisimin e mardhanjeve me Serbin dhe levizje te lire hyrje ne Europ.Serbija ben bisedime me Kosoven per zgjedhjen e statusit te Kosoves si dhe statusit te serbve te Kosoves.Nuk behen bisedime per levizje te lir edhe per Kosoven as per hyrjen e Kosoves ne Bashkimin Europjan.Repulika e Kosoves se pari duhet te njihet nga Bashkimi Europjan dhe vetem atehere mundet te mendohet per hyrjen e Kosoves ne Bashkimin Europjan.Thaqi nuk ka te drejt te flas me nji shtet qe nuk e njeh Kosoven per statusin e Kosoves dhe statusin e serbve te Kosoves.Thaqi me dialog teknik dorzoj Repuliken dhe tani asht gati te dorzoj edhe pamvaresin .Bashkimi Europjan dhe Serbija kan nji politik te berbashket kunder Kosoves.

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

LAJME

Kryeministri japonez do të vizitojë Shtetet e Bashkuara

Vizita e zotit Shinzo Abe shihet si sinjal për një fazë të re të Aleancës së Transpaqësorit
Më tepër

Hollandë, thirrje Putinit për Ukrainën

Presidenti francez kërkoi hapa drejt zbatimit të një armëpushimi të ndërmjetësuar nga BE, për zgjidhjen e konfliktit në Ukrainën Lindore
Më tepër

Flonja Kodheli, në SHBA për konkurrimin e filmave “Burrnesha” dhe “Bota”

Festivali Tribeka nderoi me çmimin "Nora Ephron" filmin italian "Vergine Giurata", "Burrnesha", ku ajo interpreton në rolin e motrës së Hanës, Lila
Më tepër

Kreditë e këqia dhe ndikimi tek ekonomia

Sistemi bankar i Shqipërisë vuan aktualisht nga rreth 1 miliardë dollarë kredi të këqija
Më tepër

Shkodër, harta e ekzekutimeve të regjimit komunist

Harta paraqet 39 vendet e kzekutimit të mijëra kundërshtarëve politikë të regjimit komunist
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • People attend a commemoration ceremony to mark the centenary of the mass killing of Armenians by Ottoman Turks at the Tsitsernakaberd Memorial Complex in Yerevan, Armenia.
  • An Egyptian youth carries a lit flare as supporters of the Muslim Brotherhood gather in the El-Mataria neighborhood of Cairo, to protest the 20-year sentence for ousted president Mohammed Morsi and verdicts against other prominent figures of the Brotherhood.
  • A view of the Calbuco volcano in Puerto Varas, Chile. Southern Chile remained on alert Friday for another eruption from the volcano after it burst into life this week in spectacular, fiery fashion for the first time in half a century, forcing 5,000 people to evacuate and lighting up the night sky.
  • A girl drinks water from a faucet amid an acute shortage of clean drinking water in Sanaa, Yemen.
  • Old photographs of Australian soldiers are projected onto an office building alongside a bronze statue at the Cenotaph war memorial on ANZAC (Australian and New Zealand Army Corps) Day in Sydney. Commemorations on Turkey's Gallipoli peninsula on Friday marked the 100th anniversary of a World War I battle that helped shape the birth of new nations.
  • Special Forces soldiers of the Shanghai Cooperation Organization (SCO) member states take part in joint military exercises in the Shamshi gorge, some 100 km of Bishkek, Kyrgyzstan.
  • People sleep on the floor as they line up for the opening of a new Apple Store in Hangzhou, Zhejiang province, China. The 19th Apple Store in mainland China and second one in the city opened on Friday.
  • Members of the Korean Confederation of Trade Unions shout slogans while raising banners reading "Let's end Park Geun-hye and Let's go on general strike" during a rally against government policy in Seoul, South Korea. Thousands of protesters marched in cities across the country denouncing the labor policies of the increasingly unpopular president.
  • A relative of a victim cries in front of a monument erected in memory of the victims of the Rana Plaza building collapse as they gather at the spot on its second anniversary in Savar, near Dhaka, Bangladesh. Bangladesh suffered its worst industrial disaster when the illegally-built, multi-storied building collapsed in 2013 killing 1,127 people and injuring about 2,500.
  • Two tigers play at the Tiger Temple in Kanchanaburi province, Thailand. Thai wildlife officials began a headcount of nearly 150 tigers kept by monks at the controversial temple which has become the center of a dispute over the welfare of the animals.
  • A robot sits between students at the RoboCup German Open 2015 in Magdeburg, Germany. Around 200 teams from 14 countries demonstrate state-of-the-art robotics with competitions using soccer, rescue, and service robots.
  • A man takes pictures of the art installation "Overcoming Boundaries" by German conceptual artist Ottmar Hoerl in Berlin. The project, consisting of some 1,000 sculptures of the Einheitsmaennchen (Unity Man) is to commemorate the 25th anniversary of German reunification.
  • Nepal’s Kumari, or living goddess, adjusts her ornament as she watches the Rato Machindranath chariot Festival in Lalitpur. Nepal's living goddesses are young pre-pubescent girls considered by devotees to be incarnations of a Hindu goddess. Selected as toddlers, living goddesses usually keep their positions until they reach puberty.
  • A man fishes while sitting on a bench on the Stanley Bridge in the Stanley neighborhood of the Egyptian port of Alexandria.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.