E mërkurë, 02 shtator, 2015

Lajme / Ballkani

Parakalim në mbështetje të Luginës së Preshevës

Qindra studentë të Universitetit të Prishtinës u bënë thirrje Tiranës dhe Prishtinës që të mbështesin shqiptarët në Luginën e Preshevës

x
Leonat Shehu
Qindra studentë të Universitetit të Prishtinës parakaluan sot rrugëve të Prishtinës në mbështetje të shqiptarëve të Luginës së Preshevës. Ata bënë thirrje për mbështetjen e shqiptarëve në jug të Serbisë, për tejkalimin e situatës së krijuar pas refuzimit te përfaqësuesve shqiptarë që të largojnë nga qendra e Preshevës, një pllakë përkujtimore kushtuar pjesëtarëve të rënë të ish Ushtrisë Çlirimtare të Preshevës, Medvegjës e Bujanocit.

Pllaka përkujtimore e UÇPMB-së në PreshevëPllaka përkujtimore e UÇPMB-së në Preshevë
x
Pllaka përkujtimore e UÇPMB-së në Preshevë
Pllaka përkujtimore e UÇPMB-së në Preshevë

Ministria serbe e drejtësisë, tha se të martën në mesnatë ka skaduar afati për largimin e pllakës përkujtimore dhe tash priten veprimet e organeve shtetërore. Përfaqësuesit e shqiptarëve të Luginës së Preshevës, kanë refuzuar largimin e pllakës përkujtimore, me gjithë paralajmërimet e autoriteteve serbe se largimi i saj do të bëhet edhe me forcë.

Përfaqësues të studentëve Arben Mehmeti dhe Naim Ramizi bënë thirrje sot që Prishtina dhe Tirana të veprojnë në mbështetje të shqiptarëve në Luginën e Preshevës.

Nga qeveria e Republikës së Kosovës kërkojmë që çështja e shqiptarëve të Luginës së Preshevës të përfshihet në dialogun Kosovë-Serbi në mënyrë që edhe shqiptarët atje të gëzojnë të drejtat e barabarta që i gëzojnë serbët këtu në Kosovë”, tha zoti Mehmeti.
 
Kërkojmë nga ministria e Punëve të Jashtme e Shqipërisë që çështjen e shqiptarëve të Kosovës Lindore të shtrojë në organizatën e Kombeve të Bashkuara në Neë York”, tha zoti Ramizi.

Kryeministri i Serbisë, Ivica Daçiç, tha të martën se shteti serb “nuk do të nxisë konflikte të reja, por as nuk do të lejojë provokime të hapura”. Ai tha se ka më shumë se 20 përmendore të ngjashme në komunat jugore të Serbisë mirëpo ato gjendet përskaj rrugës apo edhe vende të tjera, dhe vetëm në Preshevë është vendosur në hapësirë publike dhe në qendër të qytetit. Ai u bëri thirrje përfaqësuesve të shqiptarëve që të largojnë pllakën përkujtimore në vend se këtë ta bëjnë forcat e rendit.

Debatet rreth kësaj çështjeje kanë nxitur tensione në Luginën e Preshevës, përfaqësuesit e së cilës të martën janë takuar me kryeministrin e Kosovës, Hashim Thaçi. Ai tha sot se çështjet duhet të zgjidhen me bisedime të drejtpërdrejta të përfaqësuesve të shqiptarëve dhe autoriteteve në Beograd me mbështetjen e komunitetit ndërkombëtarë.

Situatat që nuk janë në interesin e askujt të evitohen përmes një procesi të dialogut, kontakteve të drejtpërdrejta të rregullta, secili entitet ka identitetin e vet që duhet të respektohet e nderohet nga të gjithë dhe në asnjë rrethanë të mos krijohen situata problematike me kosto të panevojshme”, tha ai.

Kryeministri Thaçi tha se kjo çështje është diskutuar edhe me përfaqësuesit e pesë vendeve kryesore euro perëndimore në Prishtinë një ditë para takimit te radhës me kryeministrin e Serbisë, Ivica Daçiç në Bruksel.

Ai tha se në takim do të diskutohet për zhbërjen e strukturave ta paligjshme të sigurisë së Serbisë dhe transparencën e ndihmave financiare të Serbisë për komunitetin serb në Kosovë. Ai tha se Kosova është e gatshme që të mundësojë zbatimin e elementeve të planit të kryenegociatorit të Kombeve të Bashkuara Martti Ahtisaari për vetë-qeverisje në nivelin lokal të komunave me shumicë serbe në veri të vendit, që mundësojnë edhe krijimin e partneritetit ndërmjet komunave.



Por, kryeministri Thaçi, tha se kjo është e gjitha që do t'iu ofrohet serbëve në veri të vendit, dhe asgjë më shumë, duke hedhur poshtë çdo ide për status të veçantë të komunave me shumicë serbe.

Në asnjë mënyrë nuk do të bisedoj për statusin politik është zgjidhur njëherë e përgjithmonë, për tërësinë territoriale që është njohur dhe pranuar ndërkombëtarisht, për organizimin e brendshëm të Kosovës që është kodifikuar me propozimin gjithëpërfshirës të presidentit Ahtisari, Kushtetutën e Republikës së Kosovës dhe ligjet në fuqi, si dhe për implementimin e të gjitha marrëveshjeve të arritura në dialogun teknik të organizuar në Bruksel prej tetë marsit 2011”, tha kryeministri Thaçi.

Të dielën, autoritetet serbe publikuan tekstin e platformës për bisedimet me Kosovën, nëpërmjet së cilës kërkohet autonomi territoriale për katër komunat veriore të Kosovës dhe komunat tjera me shumicë serbe.

Një ditë më parë kryeministri serb Ivica Dacic tha se Beogradi do të mund të diskutonte edhe mundësinë që Kosovë të ketë një vend të Kombet e Bashkuara por për këtë duhet një kompromis nga Prishtina.

Të dyja palët ndërkaq, pavarësisht qëndrimeve tashmë e kanë bërë të qartë se situata në veriun e Kosovës, ku nuk njihen dhe nuk pranohen institucionet e Prishtinës do të hidhet në tryezën e bisedimeve.
Ky forum është mbyllur
Përzgjedhja e komenteve
Komente
     
nga: Xhevahir Gradica nga: Durres
16.01.2013 21:20
Diplomacia shqiptare eshte e brishte dhe militante e vobekte. Ata pak diplomat karriere te mbetur te paperlyer nga regjimi kaluar komunist jane te pafuqishem perballe interesave te ngushta te politikaneve e qeveritareve te sotem. Po te dale Shqiperia ne protesta ne mbrojtje te te drejtave te bashkekombesve tane ne Luginen e Presheves na zemerohet Athina e Beogradi dhe qeveritaret tane duhet te japin llogari. Te rinjte e shkolluar ne Perendim duhet sa me pare te kthehen e te sakrifikojne nese e duan vendin e tyre. Ata jane shpresa e fundit per vendin


nga: Anonim
16.01.2013 18:26
IVICA DACIC TE HEQE DORE NGA KJO AVENTURE TE REZIKSHME PER HEQJEN E PLLAKES PERKUJTIMORE TE TRIMAVE TE VRARE GJATE LUFTES ME KASAPIN E BALLKANIT MILLOSHEVICIC..NE LUGINEN E PRESHEVES,,THACI DHE BERISHA DUHET TE FLASIN PER SHQIPETARET E LUGINES TE PRESHEVES..

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
01.09.2015
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

LAJME

Papa Françesku dhe aborti

Gjatë Vitit të Mëshirës, priftërinjve do t’u lejohet të falin gratë që kanë abortuar
Më tepër

Operacione ndaj mediave në Turqi

Policia në Turqi ka filluar disa operacione kontrolli ndaj bizneseve, pronë e një kompanie të madhe mediatike
Më tepër

Opozita madedonase kthehet në parlament

Pas një bojkoti prej rreth një viti e gjysmë, opozita maqedonase e drejtuar nga Lidhja Social Demokrate u kthye sot në Parlament
Më tepër

Fillon viti i ri shkollor në Kosovë

Këtë vit në klasë të parë janë regjistruar rreth 29 mijë nxënës, ndërsa autoritetet paralajmëruan reformimin e sistemit arsimor, i cili ende vazhdon të përballët me sfida
Më tepër

Dënohet gazetarja e Radios Evropa e Lirë

Khadija Ismaylova, një korrespondente e Radios Evropa e Lirë në Azerbaixhan u dënua me 7.5 vjet burg për krime financiare
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • First graders take part in a ceremony to mark the start of a school year in Kyic, Ukraine.
  • A woman salvages a mattress from a pile of furniture left in a street of the popular downtown district of Hillbrow, South Africa, following an eviction of an occupied building.
  • Indonesian trade union supporters march towards the Presidential Palace in Jakarta to protest against job cuts and call for higher wages.
  • Earth's thin atmosphere stands out against the blackness of space in this photo shared by NASA astronaut Scott Kelly on board the International Space Station.
  • The TePee wildfire is seen burning at the Manning Bridge as it crosses the Salmon River near Riggins, Idaho, in this U.S. Forest Service picture taken Aug. 29, 2015. An 18-mile (29-km) portion of the Salmon River east of the Oregon border was closed to boating and fishing due to the Tepee Springs fire, which has charred more than 78,000 acres (316 square km) of the Payette National Forest and surrounding timber.
  • This combination of two satellite images provided by UNITAR-UNOSAT shows before (below) and after (top) a massive explosion was set off near the 2,000-year-old Temple of Bel in Palmyra, Syria, occupied by Islamic State militants.
  • A woman swims with a dog in the waters of the Yenisei River in the Siberian Taiga area outside Krasnoyarsk, Russia, Aug. 31, 2015.
  • Police arrest a Hindu activist as demonstrators try to break through to a cordoned-off area near parliament in Kathmandu during a protest demanding Nepal be declared a Hindu state.
  • Bibi rides her bike on the Playa during the Burning Man 2015 "Carnival of Mirrors" arts and music festival in the Black Rock Desert of Nevada, USA, Aug. 31, 2015. Approximately 70,000 people from all over the world are gathering at the sold-out festival to spend a week in the remote desert to experience art, music and the unique community that develops.
  • Austin Cable rides past an art installation during the Burning Man 2015 "Carnival of Mirrors" arts and music festival in the Black Rock Desert of Nevada, USA, Aug. 31, 2015.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.