Policia maqedonase përdori përsëri gazin lotsjellës ndaj një grupi migrantësh që po përpiqeshin të kalonin gardhin në kufirin me Greqinë.
Sipas njoftimeve rreth 30 vetë u përpoqën të hyjnë në Maqedoni sot nga kampi Idomeni në Greqi. Incidenti ishte një përsëritje, por në shkallë më të vogël, e përleshjeve të së djelës, kur policia përdori gaz lotsjellës, plumba kauçuku, pompa ujri dhe dhe granata mësimore për të mos lejuar migrantët të hynin në Maqedoni. Dhjetora prej tyre u plagosën.
Të djelën në kampin Idomenei u përhapën fletushka që thonin se kufiri me Maqedoninë ishte hapur. Autoritetet greke akuzojnë Maqedoninë për përdorim të tepruar force kundër emigrantëve dhe kanë filluar hetimet për të gjetur se kush i përhapi fletushkat me lajmin e pavërtetë.