Lidhja Social Demokrate e opozitës maqedonase kërkon që zgjedhjet vendore të caktuara për 24 mars të shtyhen për më 28 prill, por partia e kryeministrit Nikolla Gruevski thotë se është e gatshme të zgjasë vetëm afatin për 3 – 4 ditë të dorëzimit të listave të kandidateve dhe jo datën e zgjedhjeve. Ndërkaq, raportuesi i Parlamentit Evropian për Maqedoninë, Richard Howitt tha në Shkup se gjendja politike po rrezikon përparimin e ardhshëm të këtij vendi.