Shtabet partiake të kandidatëve presidencialë në Maqedoni mbrëmë në mesnatë bënë njoftime kontradiktore: partia VMRO thotë se kandidati i saj Gjorgje Ivanov fitoi qysh në raundin e parë, ndërsa opozita thotë se do të ketë balotazh pas dy jave. Komisioni Shtetëror i Zgjedhjeve bëri të ditur se Gjorgje Ivanov ka marrë 51 përqind të votave të zgjedhësve që kanë votuar, ndërsa Stevo Pendarovski – 37 përqind; por mbeti pa saktësuar nëse do të ketë balotazh. Sot priten sqarime të tjera.
