Kryeministrat e Kosovës dhe Serbisë arritën një marrëveshje të përkohshme për mbledhjen e doganave dhe kanë rënë dakord të takohen sërish muajin e ardhshëm për të vazhduar bisedimet në të cilat për herë të parë, është debatuar edhe për situatën në veriun e Kosovës të banuar me shumicë serbe. Në kohën kur në Bruksel po zhvilloheshin bisedimet, në Prishtinë tre makina qeveritare u dogjën nga persona të paidentifikuar, në një sulm që duket të jetë reagim ndaj bisedimeve.
