Pas një bojkoti prej rreth një viti e gjysmë, opozita maqedonase e drejtuar nga Lidhja Social Demokrate u kthye sot në Parlament. Ky vendim është pjesë e marrëveshjes së arritur ndërmjet katër partive kryesore, për t'i dhënë fund krizës politike. Por, drejtuesi opozitar Zoran Zaev paralajmëroi se nëse nuk zbatohet marrëveshja, nëse nuk zgjidhet prokurori i posaçëm brenda afatit të parashikuar dhe nëse nuk realizohen reformat tjera, atëherë opozita do ta quajë marrëveshjen të pavlefshme dhe do të vazhdojë me publikimin e skandalit të përgjimeve.