Lidhje

65 të vrarë nga një shpërthim në Pakistan


Policia e Pakistanit thotë se të paktën 65 njerëz u vranë dhe rreth 200 u plagosën në një shpërthim që kishte në shënjestër shiitët në pjesën jugperëndimore të Pakistanit.

Policia tha se bomba u aktivizua me telekomandë në zonën e dominuar nga shiitët në Kueta. Shumica e viktimave ishin shiitë, mes tyre gra dhe fëmijë.

Një zëdhënës i grupit të ndaluar Lashkar-e-Jhangvi mori përgjegjësinë për shpërthimin.

Sulmi i djeshëm ishte më i rëndi në Kueta, që nga një seri shpërthimesh më 10 janar që lanë të vdekur 92 njerëz. Lashkar-e-Jhangvi mori gjithashtu përgjegjësinë për ato sulme.
XS
SM
MD
LG