Papa Françesku lutet për paqe në Ukrainë dhe Siri

Papa Françesku u lut për paqe në Ukrainë dhe Siri ndërkohë që kremtonte meshën e Pashkëve në shkallët e bazilikës së Shën Pjetrit në Romë. Papa iu drejtua të gjithë atyre që janë përfshirë në konfliktin në Ukrainë me lutjen që të bëjnë gjithçka për të parandaluar dhunën. Ai u lut gjithashtu për paqen në Siri, e cila, tha ai duhet të ishte arritur prej kohësh. Papa bëri thirrje që t'i jepet fund akteve terroriste në Nigeri, dhunës në Irak, si dhe për sukses në negociatat e paqes mes izraelitëve dhe palestinezëve. Papa foli përpara mijëra njerëzve të mbledhur në Sheshin e Shën Pjetrit për kremtimin e përvitshëm të ringjalljes së Jezusit, një nga festat më të shënuara të kalendarit të krishterë.