E mërkurë, 01 tetor, 2014

Lajme / Ballkani

Reagime për vendimin mbi 21 janarin

Kryetari i Partisë Socialiste, Edi Rama, deklaroi se gjyqi për 21 janarin nuk ka filluar akoma.

x
Ilirian Agolli
Gjykata e shkallës së parë në Tiranë shpalli të pafajshëm komandantin e Gardës Kombëtare Andrea Prendi dhe ushtarakun tjetër Agim Llupo të pandehur për vrasjet gjatë protestës së opozitës socialiste në 21 janarin e dy viteve më parë. Menjëherë pas vendimit të shpallur nga trupi gjykues, një seri reagimesh të forta nisi në kryeqytet nga përfaqësues të partive kryesore politike dhe diplomacia amerikane.
 
Kryetari i Partisë Socialiste, Edi Rama, deklaroi se gjyqi për 21 janarin nuk ka filluar akoma dhe se drejtësia do ta thotë fjalën e saj me hetime të tjera në një kohë tjetër. “I siguroj të katër familjet, siç siguroj edhe vrasësit e sotëm të drejtësisë, se 21 janari është nga ato ngjarje që as nuk harrohen pa u gjykuar drejtësisht dhe as nuk mbyllen duke u gjykuar padrejtësisht” - tha ai.
 
Zoti Rama deklaroi se përgjegjësitë edhe për këtë vendim të fundit e ka kryeministri Sali Berisha. “Pafajësia e vrasësve, më shumë se vetë atyre, i duhet kryeministrit. Sot nuk pati gjykim, por vetëm një përqafim mes vrasësve të drejtësisë dhe vrasësve të katër protestuesve, që kërkonin një atdhe të drejtë” - tha zoti Rama.
 
Ndërsa kryeministri Sali Berisha deklaroi se ashtu si edhe më parë ai nuk do të komentojë vendimin e gjykatës. “Sot dhe asnjëherë nuk do të më gjeni kurrë të komentoj vendime gjykatash. Ky është qëndrimi im i prerë. Ky është një vend që ka sistemin e drejtësisë, sistemin e akuzës, ndaj as edhe një koment” - tha ai.
 
Megjithatë, një anëtar i qeverisë Berisha, ministri i drejtësisë, Eduard Halimi, deklaroi para mediave se kryetari i opozitës socialiste, Edi Rama po përpiqej të përfitonte politikisht prej ngjarjes së 21 janarit. “Edi Rama e ka politizuar këtë proces, duke ushtruar presion sistematik mbi organet e drejtësisë. Sot para drejtësisë duhet të ishte vetë Edi Rama, arkitekti i vetëm i dhunës ndaj institucioneve të pavarura dhe shtetit të së drejtës. Sulmi i tij tregon vetëm frikën se drejtësia shqiptare do t’i afrohet edhe karriges së tij” - tha ministri Halimi.
 
Në parlament deputetët e Partisë Socialiste të opozitës dolën nga salla plenare në shenjë proteste ndaj vendimit të gjykatës që shpalli të pafajshëm përfaqësuesit e Gardës për vrasjet e 21 janarit. Deputeti socialist Saimir Tahiri deklaroi se kjo ngjarje do të zbardhet dhe për viktimat do të bëhet drejtësi.
 
“Sot në këtë ditë u keni treguar Shqipërisë dhe shqiptarëve se nuk ka drejtësi atëherë kur pushteti merr guximin të të vjedhë e të të vrasë. Sot i keni treguar shqiptarëve se është e rrezikshme, të kushton kokën të kesh të drejtë kur pushteti e ka gabim” - tha deputeti Tahiri.
 
Ndërsa deputetët opozitarë dilnin nga seanca, kryetarja e parlamentit, Jozefina Topalli, tha se gjykatat e sotme në Shqipëri nuk janë njëlloj me ato gjatë regjimit komunist. “Këta janë mësuar që në këtë sallë, 50 vite, të bënin edhe prokurorin edhe gjykatësin dhe kërkonin varje në litar. Të njëjtët jeni. Harrojeni! Kohët kanë ndryshuar” - tha ajo.
 
Me shqetësim për këtë vendim të gjykatës foli edhe kryetari i partisë Fryma e re Demokratike, Bamir Topi, ish president i Republikës dhe kryetar i KLD-së në kohën kur ndodhën ngjarjet e dhunshme. “Nuk komentoj teknikisht çështjet që u takojnë gjykatave, por marr në konsideratë atë uzurpim që i ka bërë shtetit dhe institucioneve kryeministri aktual. Mund të them që gjithçka vjen në mënyrë të paragjykuar. Aq më shumë për situata siç janë shprehur edhe përfaqësues të institucioneve ndërkombëtare, dhe me atë shqetësim që u shpreh edhe ambasadori i SHBA-ve, natyrisht kjo duhet të na shqetësojë të gjithë të tjerëve” - tha zoti Topi.
 
Ambasada e Shteteve të Bashkuara të Amerikës publikoi një deklaratë ku theksohet se “jemi të tronditur nga vendimi i Gjykatës së Rrethit Tiranë për të shpallur të pafajshëm dy të pandehur që u gjykuan për akuza në lidhje me vdekjen e tre protestuesve më 21 janar 2011”. Shtetet e Bashkuara, - theksohet në deklaratë, - dhanë ndihmë të shumanshme në hetimin e vrasjeve, duke përfshirë edhe ekspertizën nga Laboratori Kriminalistik i Byrosë Federale të Investigimit, një nga më të mirët në botë. “Shtetet e Bashkuara kanë bërë vazhdimisht thirrje për një hetim dhe proces gjyqësor tërësor, gjithëpërfshirës dhe objektiv. Fatkeqësisht, verdikti i sotëm ka minuar besimin në aftësinë dhe gatishmërinë e sistemit gjyqësor shqiptar për të dhënë drejtësi në mënyrë të paanshme dhe transparente” - përfundon deklarata e ambasadës amerikane në Shqipëri.
 
Gjykata e Tiranës shpalli të pafajshëm komandantin e Gardës së Republikës Ndrea Prendi dhe përgjegjësin e njësisë speciale Agim Llupo të akuzuar për vrasjen me armë zjarri të tre protestuesve gjatë protestave të opozitës në 21 Janar të vitit 2011. Prokuroria kërkoi 23 vjet burg për Ndrea Prendin dhe 25 vjet për Agim Llupon. Pas vendimit të sotëm Prokuroria njoftoi se do të vendosë për veprime të mëtejshme sapo të marrë të zbardhur arsyetimin e trupit gjykues për çështjen.
Ky forum është mbyllur
Përzgjedhja e komenteve
Komente
     
nga: Agim nga: USA
08.02.2013 21:39
Perplasja e 21 Janarit eshte konfrontim i dy mentaliteteve qe mbizotrojne jeten politike shqiptare sot.Per gjate nje viti opozita shqiptare pregatiti terenin per dhunen e 21 Janarit.revokimi i revolucionit te Qershorit 1924,holumtimi per te gjetur nje Avni Rustem,trajnimi i kontigjenteve te sulmit kulmoje me thirrjen per te permbysur Qeverine me 21 Janar.I ati i te ndjerit Ziver ne intervisten pas vrasjes se te birit tha se "Ziveri erdhi nga Greqia dhe u nis per te permbysur Qeverine me lufte".Nga ana tjeter eshte mentaliteti i mbrojtjes se institucioneve shteterore,pergjegjesia per jeten,pronen,bashkejetesen e shqiptarve qe demostroi Qeveria.Cilado qeveri e pergjegjshme ne bote do te kishte vepruar ne ate menyre.Qeveria duke mbrojtur institucionet i tha jo dhunes edhe pse kjo u kushtoi jeten kater demostrusve.
Qeveria e USA qe nuk njohu grushtin e shtetit te 1924 nuk ka asnje arsye te jete ne krahun e pinjolleve komuniste tani pas 90 vjetesh.


nga: skenderi nga: shqiperi
08.02.2013 19:47
Shqiperia esht i vetmi vend ish komunist qe ende udhehiqt nga nji ish komunst i i rritur dhe i edukuar ne familjen e ish diktatorit Enver Hoxha (jan ba publike fotot e tina me ish diktatorin dhe familjen e tina) dhe ish seketare partie, e tmerrshme esht kjo, por esht e vertet, udhehiqet me te njejta metoda si ne kohen e komunizmit.
Nuke funkicionojn gjykatat, ato punojn sipas urdherit te pushtetit, nuk funkcionon asnji organ i pa varur.
Ndihma ma e madhe per Shqiperin dhe shqipetaret dote ishte ndihma per lirimin nga kjo diktature tipike komuniste.
Ne qoftese diktaturat po eliminohen edhe nga Afrika, ato nuk duhet te lejohen ne qender te Eurpes.


nga: ibrahim nga: gjermani
08.02.2013 14:52
Arvizu per se dyti po i mbron erganizatoret e grushteshtetit.them keshtu se po sulmoi mitt rommny pas humbjes nga Obama shtepine e bardhe si do ta quanit ju,me kete veprim arvizu amniston dhe kriminel te al kaidas ,se i bjen qe sulmi mbi kullat e bene pa qellim.druhem se komunistet,nazistet dhe al kaida me veprime te Tilla trimerohen.


nga: Visar nga: usa
08.02.2013 14:17
Berisha i shkaterroi gjykatat dhe krejt admiistraten ne Shqiperi qe diten qe grabiti pronat e pronareve te ligjshem dhe i beri ato mall tregu per korrupsion. Me ato prona te ligjshme u korruptuan gjykatat dhe u bene milionere komunisted dhe femijet e Berishes. Autori i korrupsionit ne Shqiperi eshte Sali Berisha.
Tani Saliu e ndjen qe toka po i rreshqet nen kembe, dhe ngrihet edhe kunder Amerikes. Te njejten gje beri edhe Enver Hoxha, edhe ai kur e pa qe do t'i ti ngriheshin kembet, u ngrit kunder Krushovit gjoja per te mbrojtur Shqiperine, dhe u lidh me kinezet. Njerezit e skallaveruar brohoritnin Enverin, por sapo diktatura u shemb, i gjithe populli u ngrit kunder tij. Kjo po ndodh tani edhe me Bershen, eshte e njejta histori. Shqiptaret duhet te largojne diktatorin e fundit stalinist, Shqiperia eshte i vetmi vend ne Evrope me nje dikator stalinist ne krye te pushtetit.


nga: Anonim
08.02.2013 12:50
Deklarata e gjykates te Tiranes eshte skandaloze e turpshme per sa leke te qelbura te mara nga dyshja Berisha--Meta akuzojne Ambasaden e USA ne Tirane per nderhyrje per gjyqin e 21 janarit ku u vrane 4 shqipetare..Amerika eshte aleati strategjik i kombit shqipetar ne kohe te veshtira Ish Presidenti Wilson mbrojti Pavaresine e Shqiperise te sotme kur Evropa regresive e asaj kohe kerkonte ta shperbente si shtet..Amerika cliroi kosoven nga regjimi kriminal barbar i Milloshevicit dhe i dha Pavaresine Kosoves,ndersa Shqiperine e anetarsoi ne Nato..Por dyshja Berisha-Meta jane antikombetare te mbeshtur nga Serbia dhe Greqia..ne luften ne kosove Berisha akuzonte se UCK eshte teroriste dhe islamike ne Rambuje i thoshte delegacionit kosovar te mos firmoste kur Sekretarja e Shtetit Ollbraj ngulte ta firmosnin..dhe kjo u arit i firmos dhe Nato intervenoj ushtarakisht.por Berisha shkeli embargon dhe furnizoj me nafte Milloshevicin..Berisha -Meta bene mareveshjen antikombetare te shitjes te ujrave teritoriale per llogari te Greqise ku prishi interesat kombetare te Shqiperise dhe ato Amerikane ,ky Berishe u lidh me Damir Fazllic nipin e ish shefit te UDB Jugosllave ku ka blere prona ne Shqiperi.ndersa Meta ne Serbi me takimin e tij me Gjingjic krijoi nje minoritet serb ne Fier,,Monika dhe Argita vrane ne Vlore gjyqtarin Skerdilajd Konomi per Gjirin e Lalzit..Meta se bashku me Berishen grabiten floririn e kombit shqipetar te cilen e cvendosen nga Skrapari per ne Krabe dhe per te mbuluar gjyrmat denuan disa fshatare te rastit..Berisha me Ameriken ke luajtur shume per ngjarjet e vitit 1997 ke akuzuar CIA Amerikane per trazirat sebashku me shefin e Shikut Gazidede ky person negativ futi islamiket radikale te Ak kaedes dhe u krijua dega e Alkaedes ne Shqiperi..I DEL detyre Presidentit Nishanit dhe Shishit me Visho Ajazit te mbrojne kushtetuten e R,Shqiperise dhe miqesine me aleatin strategjik te kombit shqipetar qe eshte SHBA..


nga: Petrit
08.02.2013 11:29
Vendimi i gjykates per vrasjet e 21 janarit,nuk eshte as me pak dhe as me shume po nje dhunim provash dhe ligjesh ne sherbim te vrasesit seria Sali Ram Berisha qe c'do dite vazhdon te dhunoje istitucionet duke legjitimuar istitucionin e krim-korrupsionit politik ne te tre pushtetet.
Jane mijra nena dhe gra te veshura me te zeza dhe femije jetim qe presin drejtesi dhe jo me justifikime qe nuk i shkojn per shtat rrealitetit,sa kriminal-korrruptiv aq dhe te trishtueshem e te dhunueshem,e vrases per shqiptaret e kudo ndodhur.
DREJTESI E DHUNUAR,DREJTESI E MOHUAR,NJE KRIM QE VAZHDON.
VEPRO TANI,NJE THIRRJE SA MIQESORE,E MORALE AQ DHE NJEREZORE NE MBROJTJE TE MORALIT,FAMILJES DHE LIGJIT PER NJE SHQIPERI TE LIRE E DEMOKRATIKE.


nga: ibrahim nga: gjermani
08.02.2013 10:19
Pyes zotin arvizu se si do te reagonte ai ne qofte se Kandidati republikane Rommny do te mlidhte nje 20 mije vete ,nder ta nja 3 deri 5 Qind kriminel te paguar dhe do ti versulej shtepise se bardhe.a do ta e quante ai grushte shteti APO kriminel qe shperndajne lule.Me siguri se njerez te marre si rama e ngjela nuk ka ne amerik qe madje thonin pas sulmit se edhe 13 mije duhej te kishin vdekur vetem qe ne pushtet te vije biri i nje babai komuniste qe nuk ka ngurruar qe te vare edhe Poet,babai kristaqi i rames nenshkroi vdekjen e havzi Neles.po te bente nje sindikate,apo shoqeri civile demonstraten e 21 janarit gjerat do te ishin ndryshe.por kur kryetari i partis se dyt ne vend sulmon institucionet i thuhet grushteshteti.pse nuk reagoi arvizu qe prokuroria nuk i akuzoi ramen,ruqin etj.


nga: shqiptar
08.02.2013 10:10
Nuk e ve ne dyshim profesionalizmin e FBI ne ekspertizen qe ajo ju ka bere "provave" te derguar asaj nga prokuroria shqiptare.
Por ajo qe dihet publikisht eshte se prokuroria qe ne fillim te hetimit te 21 janarit, mbajti nje qendrim dukshem te njeanshem.
U injoruan pothuajse fare shkaktaret qe edhe kishin deklaruar publikisht per kufoma mbi te cilat do te kalonin per te rezuar "Saliun" sic shprehet shefi i opozites gjithmone.
E vura ne thojza fjalen prova, pasi nga veprimi i njeanshem i prokurorise nuk mund te perjashtohet dyshimi qe keto prova te jene manipuluar para nisjes ne laboratoret e FBI nga ekspertet prokurore socialiste qe kane eksperience te bollshme per te tilla marifete.
Nderkaq me duket e cuditeshme qe per vendimet e gjykates se nje vendi te pavarur, te shprehet nje ambasade e huaj.
Me gjuhe dipllomatike ambasada mund te aludoje per politiken e cdo vendi, por jo per vendimin e nje trupi gjykues, kushdo qofte ai. Te krijohet pershtypja sikur vendimin e prokurorise e paskej mare ambasada edhe per faktin se ajo ka deklaruar mbeshtetjen e plote per ish prokuroren Ina Rama.

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
30.09.2014
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

LAJME

Afganistani nënshkruan Marrëveshjen Bilaterale të Sigurisë

Marrëveshja Dypalëshe e Sigurisë lejon trupat amerikane të këshillojnë, trajnojnë dhe financojnë forcat afgane të sigurisë.
Më tepër

Të drejtat e njeriut në Turqi

Organizata “Human Rights Watch” paralajmëron për një prirje autoritare në Turqi
Më tepër

Presidenti Obama takohet me kryeministrin e Indisë

Presidenti Barak Obama dhe Kryeministri i Indisë Narendra Modi thonë se ata kanë rënë dakord për "të thelluar" dhe "zgjeruar" partneritetin mes dy vendeve të tyre.
Më tepër

Diagnostikohet rasti i parë i Ebolës në SHBA

Kreu i Qendrës për Kontrollin e Sëmundjeve, Dr. Tom Frieden, konfirmoi të martën se virusi që mund të jetë vdekjeprurës u gjet në një burrë i cili ishte infektuar në Liberi.
Më tepër

Problemet me Shërbimin Sekret amerikan

Shefja e Shërbimit Sekret amerikan tha se shkelja e fundit e sigurisë në Shtëpinë e Bardhë është e papranueshme
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Vehicles drive by as a display of Aurora Borealis (Northern Lights) is seen north of the Arctic Circle, over the village of Mestervik in northern Norway.
  • Visitors walk under the umbrellas on display over Cheonggye stream during a campaign to raise money to help underprivileged children in Seoul, South Korea.
  • An injured boy sits next to another near a site hit by what activists said was a barrel bomb dropped by forces loyal to Syria's President Bashar al-Assad in Sheikh Khodr area in Aleppo.
  • Pro-democracy demonstrators gather for the third night in Hong Kong to demand full universal suffrage after Beijing said it would allow elections for the semi-autonomous city's next leader in 2017 but would vet the candidates.
  • Independent humanitarian medical group Medecins Sans Frontieres (MSF) personnel carry a man suspected of having the deadly Ebola virus inside MSF's Ebola isolation and treatment center in Monrovia, Liberia.
  • Syrian Kurds get into a truck after crossing the border between Syria and Turkey. Several mortar rounds hit both side of the southeastern town of Suruc, in the Sanliurfa province.
  • German fashion designer Karl Lagerfeld (C) acknowledges the public as Brazilian model Gisele Bundchen (back-C) speaks through a megaphone while she and other models fake a demonstration as they present creations for Chanel 2015 Spring/Summer ready-to-wear collection fashion show at the Grand Palais in Paris, France.
  • China's Gao Xinglong competes in the men's long jump final at the 17th Asian Games in Incheon, South Korea.
  • Aerial view of a river in Peru's Amazon region of Loreto
  • An Indian electrician arranges loudspeakers during a Dusshera festival loudspeaker competition ahead of the forthcoming Dusshera festival in Allahabad.
  • Firefighters take part in a training at an underground gas storage depot in the village Opari, some 70 kms south-west from Lviv, Ukraine.
  • A school of fish swim in a fish tank during the inauguration of the aquarium of Sevilla, Spain.
  • This long exposure picture shows vehicles on roads during rush hour on the eve of the National Day holidays in Shanghai, China.

Interaktive

Amerika në 60 sekonda

No records found for this widget:806

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

SHKARKONI PROGRAMIN FALAS TË ZËRIT TË AMERIKËS (VOA) PËR CELULARIN OSE TABLETIN TUAJ

 
Download mobile app for your Android device.
Download mobile app for your iPhone or iPad.