Rusia tha se nuk ka mbështetur asnjëherë qeverinë e presidentit sirian Bashar al-Assad.
Ministri i jashtëm Sergei Lavrov u tha gazetarëve sot në Moskë se Rusia nuk mbështet asnjërën anë në konfliktin sirian dhe kritikoi ato vende që sipas tij shtrembërojnë politikat e Rusisë.
Komentet e tij vijnë një ditë pasi kryeministri rus Dmitry Medvedev tha se Assad bëri një gabim fatal duke vonuar reformat demokratike të kërkuara nga opozita siriane.
Rusia ka qënë një furnizuese armësh për një kohë të gjatë për qeverinë Assad dhe i ka vënë veton rezolutave të Këshillit të Sigurimit që kërkonin ta dënonin atë për shtypjen e kryengritjes pro demokracisë.