Në Uashington ndodhet këto ditë një grup kryetarësh bashkish nga Shqipëria, të cilët po marrin pjesë në një projekt për qeveritë lokale, të financuar nga USAID. Kjo nismë 5-vjeçare synon t’i njohë pjesëmarrësit me fuksionimin e decentralizimit të qeverisë dhe me menaxhimin me efikasitet të bashkive. Për të diskutuar për këtë projekt dhe për problemet me të cilat ndeshen disa bashki në Shqipëri, kishim të ftuar për intervistë Kryetarin e Bashkisë së Elbasanit, Qazim Sejdini dhe Kryetarin e Komunës së Kasharit, Besnik Fuçia.