Sekretarja amerikane e Shtetit Hillary Clinton e cila po largohet nga posti iu përgjigj sot pyetjeve të dërguara përmes Twitter-it dhe Facebook-ut nga mbarë bota duke diskutuar tema të ndryshme, nga të drejtat e grave, tek marrëdhëniet ndërkombëtare. Kjo është konferenca e fundit e saj e shtypit si shefe e diplomacisë amerikane.
Zonja Clinton, e cila largohet nga posti të premten, u përgjigj pyetjeve nga pjesëmarrës nga Australia, Britania, Kolumbia, Japonia, India dhe Nigeria.
Ajo tha se ndjen një keqardhje të thellë për humbjen e jetëve të amerikanëve në Benghazi të Libisë dhe se po punon për të parandaluar incidente të tilla në të ardhmen.
Sekretarja Clinton tha se ka një standart të dyfishtë për grate në mbarë botën, duke shtuar se shoqëritë po dëmtojnë vetveten duke vënë pengesa për grate. Ajo tha se është e rëndësishme që gratë në mbarë botën të konkurojnë në nivele më të larta.
Zonja Clinton, e cila tha se do të shkruaj një libër me kujtime, u përgjigj duke qeshur ndaj një komenti rreth aspiratave presidenciale në vitin 2016.
John Kerry, senator nga Massachusetts, do të pasojë atë në postin e sekretarit të shtetit.