E shtunë, 13 shkurt, 2016

    Lajme / SHBA

    Obama në Izrael, Jordani dhe Bregun Perëndimor

    Fillojnë bisedimet e paqes mes izraelitëve dhe palestinezëve në UashingtonFillojnë bisedimet e paqes mes izraelitëve dhe palestinezëve në Uashington
    x
    Fillojnë bisedimet e paqes mes izraelitëve dhe palestinezëve në Uashington
    Fillojnë bisedimet e paqes mes izraelitëve dhe palestinezëve në Uashington
    Presidenti Barack Obama do të bëjë së shpejti vizitën e tij të parë në Izrael si udhëheqës i Shteteve të Bashkuara. Ai do të shkojë në Bregun Perëndimor dhe në Jordani për bisedime mbi një gamë të gjerë çështjesh, përfshirë gjendjen në Siri dhe Iran. Korrespondenti i Zërit të Amerikës, Dan Robinson njofton.
     
    Zëdhënësi i Shtëpisë së Bardhë, Jay Carney konfirmoi udhëtimin e planifikuar gjatë konferencës së shtypit të hënën në Shtëpinë e Bardhë pasi gazetarët e pyetën rreth njoftimeve që dolën së pari në median izraelite.

    Zëdhënësi tha se presidenti Obama dhe kryeministri izraelit, Benjamin Netanjahu diskutuan rreth vizitës gjatë një bisede telefonike muajin e kaluar.

    “Kur presidenti bisedoi me kryeministrin Netanjahu në janar, ata diskutuan mbi një vizitë të presidentit në Izrael në pranverë. Fillimi i mandatit të dytë të presidentit dhe krijimi i një qeverie të re izraelite ofrojnë mundësinë për të riafirmuar lidhjet e thella dhe të qëndrueshme mes Shteteve të Bashkuara dhe Izraelit dhe për të diskutuar mbi një numër çështjesh me interes të përvashkët, përfshirë edhe Iranin dhe Sirinë”.

    Zoti Obama do të vizitojë gjithashtu edhe Bregun Perëndimor dhe Jordaninë për të vazhduar, siç u shpreh zoti Carney "punën e tij nga afër" me Autoritetin Palestinez dhe zyrtarët jordanezë “mbi çështje dypalëshe dhe rajonale me interes të përbashkët”.
    Media izraelite njoftoi se zoti Obama do të shkojë në Izrael më 20 mars. Zëdhënësi Carney nuk e konfirmoi këtë njoftim, duke thënë se informacione shtesë, përfshirë edhe datën e udhëtimit, do të njoftohen më vonë.

    Gjatë mandatit të tij të parë, presidenti Obama shprehu pakënaqësi rreth paaftësisë së tij për të bërë përparim në përpjekjet e paqes mes Izraelit dhe palestinezëve. Madje këto përpjekje u vështirësuan edhe më shumë nga politika izraelite ndaj vendbanimeve hebraike në Jeruzalemin Lindor.

    Presidenti Obama dhe zyrtarë të Shtëpisë së Bardhë shpesh i kanë përshkruar marrëdhëniet amerikano-izraelite si më të fortat se kurrë më parë. Megjithatë marrëdhëniet e zotit Obama me kryeministrin Netanjahu janë cilësuar si të vështira dhe të tensionuara.

    Në zgjedhjet e fundit izraelite, Partia Likud e zotit Netanjahu fitoi numrin më të madhe të vendeve në parlament. Por kryeministri përballet me presion politik në rritje për të bërë përparim në bisedimet për një zgjidhje me dy shtete të konfliktit të gjatë izraelito-palestinez.

    Në vitin 2008, zoti Obama vizitoi Izraelin dhe Bregun Perëndimor, ndërsa kandidonte për president. Ai u zotua se do të mbronte Izraelin dhe do të parandalonte Iranin që të mos prodhonte armë bërthamore.

    Në shtator të vitit 2010,  presidenti Obama ftoi në Shtëpinë e Bardhë për bisedime kryeministrin Netanyahu, presidentin e Autoritetit Palestinez, Mahmud Abas, Mbretin Abdullah të Jordanisë dhe presidentin e athershëm të Egjiptit, Hosni Mubarak.
    Në atë kohë, presidenti Obama tha se kishte "shpresa të rezervuara" rreth përparimit që mund të bëhej në përpjekjet e paqes mes Izraelit dhe palestinezëve.
    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    12.02.2016
    Emisioni televiziv Ditari

    LAJME

    Maqedoni: Prokurorja Speciale nis hetime

    Hetimet në procesin e quajtur “Titanik”, përfshijnë ministra, gjykatës, noterë dhe zyrtarë të lartë të dyshuar për mashtrim zgjedhor
    Më tepër

    Qëndrimi ulur dhe tkurrja e trurit

    Një studim i ri zbulon se qëndrimi ulur në kolltuk duke parë televizor, në vend të ushtrimeve fizike, mund të shkaktojë tkurrjen e trurit tek të moshuarit.
    Më tepër

    USAID dhe fermerët në Malësi të Madhe

    Malësia e Madhe është zona ku grumbullohet sasia më e madhe e bimëve mjeksore, që eksportohen në SHBA.
    Më tepër

    BE, ultimatum Greqisë për kontrollin kufitar

    BE i dha Greqisë tre muaj afat të ndreqë problemet, përndryshe do të përballet me pezullim të antarësimit në Zonën e Shengenit për lëvizjen pa viza
    Më tepër

    Obama dhe fushata presidenciale

    Presidenti amerikan që mori pjesë në disa aktivitete politike për mbledhje fondesh për Partinë Demokrate në Kaliforni, tha se vendi është në një moment të rëndësishëm politik
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.