Në Tiranë, parlamenti debatoi sot për largimin brenda pak javëve të disa mijëra shqiptarëve drejt vendeve të Bashkimit Europian. Shumë prej tyre dyshohet se shkojnë drejt Gjermanisë për të kërkuar azil dhe punësim. Largimet vazhdojnë, edhe pse diplomatët gjermanë deklaruan se kërkesat nuk do të pranohen dhe se të gjithë do të kthehen në atdhe. Opozita fajësoi qeverinë për politika anti-sociale, që po i shtyjnë shqiptarët të braktisin vendin.