Rrugët e Sierra Leones ishin pothuajse të zbrazëta sot, ndërsa në vend filloi një periudhë treditore izolimi për të gjetur raste të panjoftuara të Ebolës dhe për të ndalur përhapjen e sëmundjes vdekjeprurëse.
Dhjetra-mijëra punonjës të shëndetësisë po shkojnë shtëpi më shtëpi në vendin afrikano-perëndimor, duke informuar njerëzit sesi ta shmangin Ebolën dhe duke u bërë thirrje pacientëve që dyshohet të kenë Ebolën që të shkojnë në qendrat e trajtimit.
Në Guinenë fqinjë, banorët e fshatrave në një rajon të largët juglindor vranë tetë vetë që ishin pjesë e një grupi për rritjen e ndërgjegjësimit për sëmundjen. Autoritetet kanë arrestuar gjashtë persona lidhur me sulmin, që ndodhi të premten në fshatin Wome.
Fushatat kundër Ebolës janë penguar nga frika dhe keqinformimi.