Vizita e Papa Franceskut dhe mesazhet e tij në Tiranë u pritën me interesim të veçantë nga opinioni publik dhe nga qarqet akademike. Profesorë të Universitetit të Tiranës vlerësuan faktin që Papa ngriti lart historinë e Shqipërisë si një vlerë e rrallë, ku mund të bazohet e ardhmja e vendit. Studiuesja Persida Asllani, drejtore e Bibiliotekës Kombëtare dhe profesor Zyhdi Dervishi drejtues i departamentit të sociologjisë në Universitetin e Tiranës dhanë komentet e tyre mbi mesazhet e Papës në Shqipëri gjatë një interviste me korrespondentin tonë në Tiranë, Ilirian Agolli.