Në një intervistë për Zërin e Amerikës, Kryetari i Partisë së Legalitetit të Shqipërisë, Sulejman Gjana tha se hapja e dosjeve është një çështje thelbësore, por vetëm procesi i hapjes së tyre nuk është i mjaftueshëm.
Në lidhje me luftën kundër terrorizmit dhe ISIS-it, zoti Gjana tha se qeveria shqiptare duhet të çarmatosë popullsinë dhe të jetë e përgatitur për lloje të tjera të mundshme të terrorizmit.
Zoti Gjana ndodhet në Shtetet e Bashkuara për disa takime, mes tyre një konferencë për bashkëjetesën e besimeve të ndryshme fetare, ku ai do t'i njohë pjesëmarrësit me harmoninë fetare që ekziston në Shqipëri.