Në Taivan, Partia Nacionaliste në pushtet ka pranuar humbjen në zgjedhjet presidenciale të zhvilluara sot. Pasi kishin përfunduar votimet, Eric Chu pranoi humbjen dhe përgëzoi kundërshtaren, Tsai Ing-wen, e Partisë Progresive Demokratike të opozitës, e cila shpjegoi në një fjalim se si dëshiron që bota ta shikojë Taivanin.

“Mendoj se ka ardhur koha të bashkohemi rreth një qëndrimi konsekuent, duke i treguar qartë komunitetit ndërkombëtar se populli taivanez ka konsensus për identitetin kombëtar. Është e arsyeshme që flamuri kombëtar i Republikës së Kinës përfaqëson identitetin e vendit tonë dhe se nuk duhet ndrydhur.”

Vëzhguesit mendojnë se Partia Demokratike Progresive e zonjës Tsai që është pro pavarësisë, do të testojë marrëdhëniet e komplikuara të Taivanit me Kinën.

Kina nuk ka komentuar për votimin, por është shprehur se do të bashkëpunojë me çdo kandidat që nuk mbështet parimin e “një Kine”. Disa sondazhe sugjerojnë se Partia Nacionaliste në pushtet mund të humbasë edhe maxhorancën në parlamentin e Taivanit.