Kosovë, reagime në parlament për përgjimet e bisedave telefonike
Opozita kritikoi gjuhën e bisedave duke tërhequr vërejtjen se çështja nuk mund të trajtohet si shkelje e privatësisë
Në Kosovë, jehona e bisedave telefonike të përgjuara të zyrtarëve institucional, të cilat u publikuan në internet, nxiti reagime edhe në mbledhjen e parlamentit. Opozita kritikoi gjuhen e bisedave duke tërhequr vërejtjen se çështja nuk mund të trajtohet si shkelje e privatësisë, meqë në të janë të përfshirë bartës të funksioneve publike. Qeveria i kishte cilësuar ato joligjore, ndërsa EULEX-i pohon se përgjimet janë bërë me urdhër gjykate.