E martë, 09 shkurt, 2016

    Lajme / SHBA

    100-vjetori i pavarësisë në Kongresin amerikan

    Anëtarë të Kongresit amerikan dhe personalitete të tjera përkujtuan rolin e shqiptarëve në Shqipëri dhe Kosovë për shpëtimin e hebrejve gjatë Luftës së Dytë Botërore

    x
    Ilir Ikonomi

    Me rastin e 100-vjetorit të pavarësisë së Shqipërisë, anëtarë të Kongresit amerikan dhe personalitete të tjera përkujtuan rolin e shqiptarëve në Shqipëri dhe Kosovë për shpëtimin e hebrejve gjatë Luftës së Dytë Botërore. Veprimtaria u organizua nga Lidhja Qytetare Shqiptaro-Amerikane nën drejtimin e çiftit Joe dhe Shirley Dioguardi.

    Në Kongresin amerikan, 100-vjetori i shpalljes së pavarësisë u përkujtua në një mënyrë të veçantë. Një numër anëtarësh të Dhomës së Përfaqësuesve e të Senatit, si dhe personalitete të rëndësishme të lobit hebre në Shtetet e Bashkuara, u mblodhën të nderojnë shqiptarët që me një vepër unike gjatë Luftës së Dytë Botërore fituan simpatinë e botës.



    Senatori nga Nju Jorku, Charles Shummer, ka paraqitur në senatin amerikan një rezolutë me rastin e 100-vjetorit të pavarësisë së Shqipërisë. Në rezolutë vlerësohet populli i Shqipërisë dhe i Kosovës për shpëtimin e jetës së hebrejve gjatë Luftës së Dytë Botërore.

    “Në mbarim të Luftës së Dytë Botërore, kur 6 milion hebrej u asgjësuan egërsisht, Shqipëria ishte i vendi vend në Evropë që kishte më tepër hebrej se sa përpara fillimit të luftës.”

    Kjo, tha senatori, flet për mikpritjen, trimërinë dhe humanizmin e shqiptarëve.

    Prapa rezolutës dhe organizimit të këtij aktiviteti prestigjoz në  Kongresin amerikan qëndron çifti Joe dhe Shirley Dioguardi, udhëheqës të organizatës lobiste Lidhja Qytetare Shqiptaro-Amerikane.

    “Tani ekziston një lidhje reale që po forcohet akoma më shumë, mes popullit shqiptar dhe Kongresit amerikan. Kjo ka rëndësi. Ne festojmë 100 vjetorin e pavarësisë. Por vetëm në vitin 1919 Shqipëria u njoh si shtet. Kjo ndodhi falë presidentit demokrat Woodrow Wilson.  Pastaj, në vitin 2008, ishte Presidenti republikan George W. Bush që solli njohjen e Kosovës. Prandaj, unë mendova se ishte një ide e mirë që festimi i pavarësisë të bëhej në selinë e Kongresit amerikan, në Kapitol”.

    Agim Aliçkaj nga Nju Jorku është i biri i Arif Aliçkajt, njëri prej atyre që shpëtuan hebrej në Kosovë. Ai bëri thirrje që shteti i Izraelit të njohë Kosovën.

    “Babai im nuk kërkoi ndonjë shpërblim. Ai na tregoi se kishte shpëtuar hebrej por kurrë nuk mendoi se kjo do t’i njihej një ditë me mirënjohje. Ai mendonte se ishte detyrë morale e një shqiptari për ta bërë këtë dhe vdiq pa e ditur se sot ai do të kujtohej në një rezolutë të Kongresit amerikan. Ai do të ishte i lumtur nëse do ta kishte ditur këtë. Babai im do të ishte akoma më i lumtur nëse shteti demokratik i Izraelit do ta njohte Kosovën si shtet i pavarur”.

    Zonja Shirley Dioguardi, një veprimtare aktive e çështjeve shqiptare, është dakord.

    “Izraeli ende nuk e ka njohur pavarësinë e Kosovës. Kjo duhet të kishte ndodhur shumë kohë më parë për shkak të asaj që shqiptarët bënë gjatë Holokaustit.”

    Kryetarja e komisionit të punëve të jashtme në Kongresin amerikan, Ileana Ros Lehtinen, kujtoi rrugën e vështirë të popullit shqiptar gjatë 100 viteve që nga shpallja e pavarësisë:

    “Vendosmëria e popullit shqiptar për të qenë të lirë nuk u lëkund kurrë megjithë koston e lartë. Njëzet vjet më parë, populli shqiptar përmbysi sunduesit komunistë dhe filloi rindërtimin e vendit. Kush do ta kishte besuar se shqiptarët do të bëheshin kaq shpejt një demokraci, anëtarë të NATO-s, dhe aleatë të fuqishëm të Shteteve të Bashkuara të Amerikës.”

    Zonja Shirley Dioguardi thotë se pjesëmarrja e kongresmenëve dhe senatorëve me ndikim në këtë veprimtari ishte me rëndësi për shqiptarët.

    “Ky takim i sotëm bëri që anëtarët e Kongresit të pohojnë edhe një herë se shqiptarët janë forca më pro-amerikane dhe më prodemokratike në Evropë”.

    Dana Rohrabacher është kongresmeni që e paraqiti rezolutën për 100-vjetorin e pavarësisë në Dhomën e Përfaqësuesve:

    “I jemi mirënjohës popullit shqiptar për aktin e tyre. Jam krenar që ndodhem mes jush në këtë takim për të falenderuar popullin shqiptar, i cili i tregoi botës se qëniet njerëzore në kohë krizash janë në gjendje të veprojnë me guxim”.

    Në takimin e djeshëm ndodhej edhe artistja e njohur Kara Dioguardi, e bija e zotit Joe Dioduardi.

    “Jam shumë e gëzuar që ndodhem këtu për të kremtuar gjithë ato gjëra që kanë bërë shqiptarët pçr popullin hebre dhe jam shumë krenare për këtë. Është me shumë rëndësi fakti që ata shpëtuan shumë jetë njerëzish. Ne duhet t’i falenderojmë ata për vlerën e tyre të madhe që babai im e quan besa, pra kur dikush të vjen në shtëpi, ti e pranon dhe e nderon”.

    Ky forum është mbyllur
    Përzgjedhja e komenteve
    Komente
         
    nga: fede nga: itali
    06.12.2012 13:56
    kaq pak ka bere populli im,ne
    100 vjet?
    JO,JO,JO!
    MOS MINIMZONI KESHTU!


    nga: ahmeti nga: tirane/shqiperi
    30.11.2012 09:03
    Shqiptaret jane perjete mirenjohes Joe DioGuardit dhe te shoqes Shirley. por,bashke me te pa harruarin- kongresmenin Tom Lantosh,me prejardhje hebre,bredhen ne kembe e takuan shqiptaret ne Kosove,M.Zi,Maqedoni e Shqiperi.Luftuan fort per ceshtjen shqiptare ne kongresin amerikan e Presidence. Tani luftojne fort per ndricimin e te vertetave per shpetimin e hebrenjeve nga shqiptaret ne luften e dyte boterore.!Populli e qeveria israelite nuk duhet ta harroje kete fakt, e te shpejtoje per njohje te shtetit te ri te Kosoves,per mbeshtetje ekonomike me investime ne Shqiperi e Kosove,shqiptaret jane kombi me pro-amerikan ne Europe e ne bote. Respekt, ing. Ahmet Hallvaxhiu.


    nga: Anonim
    29.11.2012 21:22
    Faliminderit ciftit Diogardi per festimin e 100 vjetorin e Pavaresise te Shqiperise ne Kongresin Amerikan.,Shqipetaret kane kontribut te jashtezakonshme per strehim e hebrenjve dhe ishte ure kalimi.ku dilni nga Devolli per ne Greqi me hebet me flori..Ne ate kohe ishte nje ligj i pashkruar ku thoshte po vrave nje hebre te shkon jeta keq dhe do te zhdukesh si fis.Hebrenjte ishin shume te privilegjuar dhe mbrohesh nga shqipetaret,edhe Albert Ajshtajni kishte Pasaporte nga Bashkia Pogradec.shqipetaret dhe hebrenjte kane nje histori gate perbashket me fqinje dashakeqas dhe duhet qe IZRAELI duhet te njohe Pavaresine e Kosoves dhe duhet te ndihmoje qe Kosova dhe Shqiperia te bashkohen por te forcohen ekonomikisht pra te jete nje Izrael i dyte ne Ballkan..Izraeli te mos mendoje se jemi shumice muslimane sepse ne e dime se jemi konvertuar me force nga krishter ne musliman nga Perandoria Otomane dhe tani kemi ardhur ne origjinen tone ne EVROPE DHE AMERIKE..shqipetaret jane proamerikane mbi 95% dhe e duam me gjithe zemer dhe jane borxhli..

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    08.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

    LAJME

    Të paktën katër të vdekur në një përplasje trenash në Gjermani

    Policia tha se përplasja ka ndodhur rreth 60 kilometra në juglindje të Munihut dhe ende nuk dihen shkaqet e përplasjes
    Më tepër

    Blushi: Ja shkeljet e statutit të PS-së

    Deputeti socialist e dorëzoi sot grupit parlamentar një dokument me pikat ku janë shkelur rregullat që organizojnë partinë që nga zgjedhja e kryetarit te ato të forumeve dhe mbledhja e tyre, te papajtueshëria e mandateve dhe llogaridhënia
    Më tepër

    "Republic of spin”: një histori nga brenda e presidencës amerikane

    Historiani David Greenberg shtjellon në libër përpjekjen e presidentëve amerikanë për të përpunuar opinionin publik dhe për të krijuar një imazh të caktuar
    Më tepër

    Fleckenstein e Kukan për Reformën në Drejtësi

    Tiranë, dy eurodeputetët takojnë udhëheqësit kryesorë politik të vendit. Fleckenstein: Komisioni europian të monitorojë zbatimin e reformës. Kukan: Me rëndësi për rrugëtimin e Shqipërisë drejt BE-së
    Më tepër

    Projekte për parandalimin e përmbytjeve në jug

    Projektet përfshijnë mbrojtjen e shtratit të Lumit Drino dhe Lumit Vjosa
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • The pack rides in the desert during the first stage of the 2016 Tour of Qatar, between Dukhan and Al Khor Corniche.
    • People burn incense as they pray for good fortune on the first day of the Chinese Lunar New Year, at a temple in Chengdu, Sichuan province.
    • Revelers jostle to catch gift items being thrown to them from a super market in celebration of the Chinese Lunar New Year in Manila, the Philippines.
    • North Korean boys play "catch the tail" as they gather at Kim Il Sung Square for Lunar New Year in Pyongyang.
    • A street photographer transports an elephant and a horse made of fiberglass in a cart on the waterfront of Xolotlan Lake in Managua, Nicaragua.
    • Internally displaced people, covered with mud, wait as they are stuck in the town of Khirbet Al-Joz, in Latakia countryside, waiting to get permission to cross into Turkey near the Syrian-Turkish border, Syria, Feb. 7, 2016.
    • People canoe through a flooded forest in Soomaa national park, Estonia, Feb. 7, 2016.
    • Beyoncé, Coldplay singer Chris Martin and Bruno Mars perform during halftime of the NFL Super Bowl 50 football game in Santa Clara, California, Feb. 7, 2016.
    • Waves crash over the Newhaven Lighthouse on the south coast of England as the latest storm hits the country.
    • Nepalese Hindu women take holy bath in Bagmati river during Swasthani Bratakatha festival in Kathmandu, Nepal, Monday, Feb. 8, 2016.
    • A man giving out leaflets to tourists is blown by the wind in Westminster in London. Winds of nearly 100mph battered Britain after another storm slammed into the south coast bringing fierce gusts and torrential downpours.

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.